Jesaja 51:13 - O Debleskro Drom 2021 (Sinte)

¹³ Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

O Debleskro Lab 2024 (Sinte-Manouche)

¹³ Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 51:13 ပူးပေါင်းရင်းမြစ်များ

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Hiob 37:18

nai kreh tu o bolepen buchles pral i phub, har job kowa kras, te well o bolepen soreles har i dikepaskri?

Hiob 9:8

Job kokres kras o bolepen buchles pral i phub, un djal pral o baro pani.

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 106:13

Sik bistran le lauter, hoi job kras, un putchan gar, hoi job lendar kamell.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Jesaja 10:24

Doleske penell o baro Dewel, ko rai pral o bolepen un i phub, ap peskre menshende, kai ap i berga Zion djiwenn: Ma darenn i lurdendar dran o them Assur, ninna te denn le tumen pengre kashtentsa un hadenn len pre, te denn le tumen trad, jaake har kowa i Egiptarja ninna kran.

Jesaja 14:4

Palle giwenn le kai sapaskri gili pral o baro rajeste pral Babilon: Har nai djal kowa? Tu, kai menge i pharo djipen kral, wal dino. Kekes nai dukreh buder.

Jesaja 16:4

Muk kolen, kai dran o them Moab tradedo wan, pash tute te djiwell. Khate len glan lende, kai len palla lenn.” Ko tsiro well, kai kek buder tele rikedo well, kai o them buder gar paash dino well, un kolla, kai o them khetne stakran, gar buder hatslo wenn.

Jesaja 17:10

Israel, tu bistral tiro Debles, kowa, kai tut win las dran i tchilatche wasta. Tu bistral koles, kai his tuke har i baro sorelo bar, pal koleste nai khatral tut. Un kral tuke pre-tchidde barra, kai mangeh wawar deblen an. Ninna te tchiwal kote shukar drakengre ruka an i phub,

Jesaja 40:21

Haiwan tumer gar? Shunenn tumer gar? Was kowa tumenge gar penlo glan rah tsiro? Djinenn tumer gar, har i phub kerdo was?

Jesaja 40:22

Job hi kowa, kai hi o rai pral i tseli phub. Un kolla, kai ap i phub djiwenn, hi glan leste har stepangre. Job hi kowa, kai tchiwas o bolepen pral i phub har i buchli plachta, har te krell jek i plachteno kheer, te nai djiwell lo dren.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 45:12

Me hom kowa, kai kras i phub, un ko menshes, kai ap late hi, ninna. Mire wastentsa krom o bolepen buchles, un kol tsele momlia ap leste penom me, kai le wenn.

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 48:13

Mire wastentsa krom i phub, un tchiwom o bolepen buchles pral i phub. Me dom len gole, un jon his koi tardo.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Jesaja 57:11

Konestar trashal un daral tu jaake, te chochral man un bistral man, un mukal man tuke gar an o shero te well? Hi kowa gar jaake: I rah tsiro penom tchi koi pral. Un doleske dareh buder gar mandar.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jeremia 2:32

Nai bistrell i terni tchai peskro sonakai, i terni djuwel, kai kamell romedinerell, peskro bijabeskro ripen? Na-a! Mire menshe bistrenn man pale te pale.

Jeremia 38:19

O baro rai Zedekja penas ap o Jeremia: Man hi traash, te wap an o wast dino kol menshendar dran o them Juda, kai nashan wergel pash i Babilonarja, un jon mantsa djungelo koowa krenna.

Jeremia 41:18

Len his traash glan i Babilonarja, doleske kai o Jishmael o Gedaljes mulo das, koles o baro rai dran o them Babilonia pral o them Juda tchiwas.

Jeremia 51:15

Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Jeremia 51:19

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Daniel 3:18

Un ninna te kamell lo kowa gar te krell, tu djiness: Mer sharah tiro debles gar, un mangah gar koi sonakaskri figura an, hoi tu mukal pre te tchiwell.”

Daniel 3:19

Kote was o Nebukadnezar jaake pherdi choli, te was leskro mui lolo i choljatar pral o Shadrach, o Meshach un o Abed-Nego. Un job penas soreles, te well o bob efta kope jaake tateder kerdo, har glan ko tsiro.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

1. Korintarja 1:20

Hoi nai penah mer pral kol gosewe menshende? Un hoi nai penah pral kolende, kai hi tchinepangre un rakepangre ap kai phub? Jon prindjrenn o Debles gar. Doleske hi lengro goswepen an o Debleskre jaka dinlepen.

1. Korintarja 15:55

Merepen, tiri soor hi krik! Merepen, tu dukreh kekes buder!

5. Mose 32:18

Ko Dewel, kolestar tumer wan, un kowa, kai rikras tumen, koles tchiwan tumer ap i rig. Ko Dewel, kai kras tumen, koles bistran tumer.

5. Mose 6:12

palle de jak, te bistress gar o baro Debles, kai anas tut win dran o pandepen dran o them Egiptia.

5. Mose 8:11

Denn tumen jak, te bistrenn gar tumaro baro Debles, jaake te denn gar buder jak ap leskre laba, un ap leskro tchatchepen, un ap halauter, hoi job tumendar kamella, kowa hoi me tumenge kau diwes penau, te hunte krenn.

Hebrearja 11:15

Te rakrans le pral ko them, hoi jon mukan, palle nai djans le kote pale.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 20:9

Un jon djan pral i tseli phub, un atchenn trul ko foro tardo, kai o Debleskre menshe djiwenna. Kowa hi ko foro, koles o Dewel kamella o tselo djijestar. Un palle well i jag dran o bolepen un chatchrell kol tsele kurepangren pre.