Jesaja 50:4 - O Debleskro Drom 2021 (Sinte)

⁴ O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

O Debleskro Lab 2024 (Sinte-Manouche)

⁴ O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jesaja 50:4 ပူးပေါင်းရင်းမြစ်များ

Hiob 4:4

Tire laba hadan koles pale pre, kai peras. Tu kral kol herja pale soreles, hoi trissan.

Debleskri gili 119:147

Sik taissarlakro dau me gole ap tute, te wess ap miri rig, un dau jak, te rakreh ap mande.

Debleskri gili 143:8

Ap i tsalla muk man tiro latchepen te shunell. Me dikau ap tute. Sike man hawo drom me hunte djap. Miro dji nashell pal tute.

Debleskri gili 40:7

Kol viechen un ko chapen, hoi i menshe tuke anenna, kameh tu gar. Tu dal man kanda, te haiwap, hoi kameh: kek viechen, hoi i menshe tuke chatchrenna, witar kek, hoi marenn le, te less tu lengri doosh lendar krik.

Debleskri gili 45:2

Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

Debleskri gili 5:3

De jak ap miri gole! Tu hal miro baro rai un miro Dewel, koles me mangau.

Debleskri gili 88:13

Djinenn le kote, kai kali rat hi, hawo baro koowa tu kral an tiri soor? Haiwenn le tiro tchatchepen kote an ko them, kai lauter bistedo hi?

Gosewe laba 12:25

I pharo dji tserdell i menshes tele. I latcho lab krell les bachtelo.

Gosewe laba 15:23

Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

Gosewe laba 25:11

I lab rakedo an o tchatcho tsiro, hi har sonakangre phabja an i rupeno tcharo.

Jesaja 28:19

Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

Jesaja 28:9

Jon penenn: “Menge kamell job tchomone pashel te anell un leskre dromma te sikrell? Mer ham buder kek tikne tchawe, kai glan i tikno tsiro gomme o thud pash pengre daja pijan!

Jesaja 35:5

Palle nai dikenn i korele, un kolla, kai nai shunan gar, shunenn.

Jesaja 40:29

Job dell kolen, kai khino wan, newi soor. Un an kolende, kai kek soor buder hi, dell lo newo djipen.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 54:13

O baro Dewel sikrell peskro drom tire tsele tchawende, un lenge djal mishto.

Jesaja 8:16

Tumer, kai shunenn ap mande, pandenn kau liil, kai tchinlo hi, hoi o Dewel mande sikras, un denn jak ap kol laba!

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Jeremia 31:25

Kolen, kai khino hi, dau me pale soor, un kolen kai bokenna, dau doha te chal.”

Ezekiel 46:13

Haki tsalla hunte well jek sasto terno bakro, hoi jek bersh phuro hi, maredo un chatchedo o baro Debleske.

Mateo 11:28

Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

Mateo 13:54

Un job djas an peskro dadeskro foro, un penas i menshenge o Debleskro lab an lengri kangri. Un jon kran bare jaka un penan: “Koon das les ko goswepen un koi soor, te nai krell lo sawo baro koowa?

Mateo 22:46

Un kek lendar nashte penas o Jesuseske jek lab koi pre. Un pal ko diwes trashan le, te putchenn le lestar budeder.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

Johanni 7:46

“Har kawa mursh rakras, shunam mer maro tselo djipen gar!” penan i kliste ap lende.

5. Mose 18:17

Un o baro Dewel penas ap mande: Mishto hi, hoi jon rakran.

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.