Jesaja 5:7 - O Debleskro Drom 2021 (Sinte)

⁷ O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

O Debleskro Lab 2024 (Sinte-Manouche)

⁷ O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jesaja 5:7 ပူးပေါင်းရင်းမြစ်များ

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

2. Samuel 7:10

Un me kamau mire menshen Israel i them te dell, kai nai atchenn jon. Un koi djiwenn le, kai trashenn jon buder gar, un kai wenn jon gar buder tele rikedo kol tchilatche menshendar, har an ko tsiro,

Hiob 34:28

Jon djan jaake tchilatches i tchorwelentsa trujel, te dan jon gole ap o Debleste. Un job shunas koi gole kolendar, kai tele rikedo wan.

Debleskri gili 147:11

O baro Debleske hi kolla shukar, kai leha djiwenna un ap leste dikenna, te well lo lenge latches.

Debleskri gili 149:4

O baro Dewel dikell latches ap peskre menshende. Job well kolenge ap i rig, kai tele rikedo hi un hadell len pre.

Debleskri gili 80:15

Ab pale pash mende, tu, o Dewel pral o bolepen un i phub! Dik dran o bolepen ap mende, un de pale jak ap tiro drakengro ruk!

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

Kamlepaskri gili 7:6

Har i berga Karmel rikreh tiro shero pral. Un tire balla hi har feteder phar. Tiro baro rai hi pandlo an lengro shukapen.

Jesaja 1:21

Har nai was kowa? Kau foro, hoi rikras pes ap mande peskro tselo djijeha, was har i lubni! O foro his pherdo tchatchepen, un i menshe djiwan pal o Debleskre tchatchepaskre laba. Un kanna djiwenn kate lauter marepangre, kai wawaren mulo denn!

Jesaja 1:6

Fun o shero bis pash i pire hi kek kotar ap tumende, hoi sasto wals. Tumaro mass hi pherdo dukepen, phuro un newo dukepen, kai dino wan. Tumaro tchinepen hi gar wi-thodo, witar gar dren pandlo. Kek djet was pre tchiddo.

Jesaja 27:2

Ap ko diwes penell o baro Dewel tumenge: Man hi i shukar drakengro them; giwenn leske i gili!

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 3:17

Doleske mukau me, o baro Dewel, i tchiklo dukepen ap lengre sherja te well, un mukau lenge i tsele balla tele te tchinell.

Jesaja 30:12

Doleske penell o Israeleskro Dewel, kai kokres o tchatcho Dewel hi: Tumer kamenn tchi kolestar te djinell, hoi penom. Un rikrenn tumen ap kolende, kai rikrenn i wawaren tele, un kamenn chochepah dureder te well.

Jesaja 46:12

Shunenn ap mande, tumer, kai barrengre djia an tumende hi, tumer, kai patsenn, te well tumen kek tchatchepen.

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jesaja 59:14

Mer dam i wawaren gar lengro tchatchepen, un bud kope rakram gar o tchatchepen pral lende win. Ap i parepaskri platsa ginam un bikram o chochepah, un tchatcho rakepen hatseh kote gar.

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Jesaja 62:5

Jaake har i terno mursh peske i terni tchai lell, jaake lenn tire menshe o them Juda penge. Un jaake bachtelo ko bijabeskro hi pral i terni tchai, kolah job bijab krell, jaake bachtelo hi tiro Dewel pral tute.

Jeremia 12:10

Bud raja dran wawar themma wan, un kran miro drakengro them paash, un stakran miro kotar phub khetne. Dran miro shukar kotar them kran jon i mulo them.

Jeremia 24:2

An koi jek korba his latche un shukar faige har kol newe faige an i bersh. An koi wawar korba his djungele faige, jaake djungele te nai chal len kek.

Jeremia 50:46

Te well o foro Babilon dren lino, trissell i phub koi goljatar. Un koi ropaskri gole well shunlo an i wawar themma.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Habakuk 1:3

Hoske mukeh tu man sawo tchilatchepen te dikell? Hoske dikeh tu, har i menshe dukedo wenna, un kreh tchi? Kai dikau, dikau tchorepen un djungelo koowa, kurepen un tchingepen.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Mateo 23:23

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.