Jesaja 5:5 - O Debleskro Drom 2021 (Sinte)

⁵ Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

O Debleskro Lab 2024 (Sinte-Manouche)

⁵ Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jesaja 5:5 ပူးပေါင်းရင်းမြစ်များ

1. Mose 11:4

Un jon penan: “Awenn, mer krah menge i foro un i baro kheer, hoi djal an o bolepen. Jaake sikrah hakeneske, har baro mer ham. Un mer atchah khetne an ko them.”

1. Mose 11:7

Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

Nehemia 2:3

Un me penom ap o rajeste: “Baro rai, te djiwess hako tsireske! Har nai well mange gar ropaske? Ko foro, kai mire phure paskedo hi, hi paash kerdo. Un leskre bare wudja hi pre chatchedo.”

Debleskri gili 89:40

Tu phagal tiri sowel, hoi tiro budepaskres dal. Leskri rajeskri stadi witsral ap i phub, an i tchik.

Debleskri gili 89:41

Leskro foro kral tu paash, un kol bare sorele khera dal an kotja paash.

Gosewe laba 24:31

Un subjengre burra his koi tardo un lauter djungelo senlepen, un i massuri trul ko kotar them his tele peredo.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 28:18

Un kowa, hoi tumer win kran o merepah un o mulengro themeha, well krik lino un hi gar buder. Un i lurde wenn har i baro pani, un stakrenn tumen khetne.

Jesaja 28:3

Peskre herjentsa stakrell lo ko pre-phurdo foro khetne, kai i mate dran Efrajim djiwenn.

Jesaja 32:10

An jek bersh trissenn tumer i darjatar, tumer, kai kanna patsenn, te djal lauter mishto tumenge. Kek moljakre drake nai anenn dren. Un tchi wawar was baro, te nai lenn les khetne un anenn les dren.

Jeremia 18:11

Un kanna Jeremia, pen kol menshenge an Juda un kolenge, kai djiwenn an Jerusalem: Kowa penell o baro Dewel: Djinenn, man hi an o dji, te dap tumen i phagi, un kamau bibacht pral tumende te anell. Doleske djan tele hakeno peskro tchilatcho dromestar! Un djiwenn i wawar djipen!

Jeremia 21:4

Kowa penell o baro Dewel, ko Dewel pral Israel: Me tradau tumare lurden pale pengre charentsa, hoi an lengre wasta hi, un kolentsa kurenn le pen o baro rajeha dran o them Babilonia un leskre lurdentsa, kol Kaldearja, kai hi win tardo glan tumaro foreskri massuri. Me mukau len mashkral an o foro dren.

Jeremia 28:8

O Debleskre rakepangre, kai his glan mande un glan tute, kolla rakran glan i rah tsiro pral kurepen, bok un nasslepen, hoi well pral sorele themma un bud menshende.

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Ropaskre gilja 1:15

O baro Dewel stakras mire sorele kurepangren khetne, kai pash mande his; Job mukas i marepaskro chapen win te kharell, te nai wenn mare terne mursha maredo. Jaake har drake khetne stakedo wenn, te well i mool win, stakras lo i menshen dran Juda khetne.

Ropaskre gilja 2:6

Job phagas peskro kheer tele, har te wals lo i kashteno kheer an i baar, un kras koi platsa paash, kai wam khetne glan leste. Job kras, te well buder kek an o foro Zion ap i bare diwessa un ap o Debleskro diwes. An peskri soreli choli tchiwas lo o baro rajes un i rashajen pale.

Ropaskre gilja 4:12

Kanna was, hoi i bare raja pral i themma gar patsans, witar gar i tsele menshe ap kai phub: Lurde dran wawar themma, kai kaman maro them dren te lell, djan an i wudja o forestar Jerusalem dren.

Daniel 8:13

Un me shunom i bolepaskres te rakrell. Un i wawar bolepaskro putchas lestar: “Har rah djal kowa, hoi an kau dikepen diklo was? Har rah well o Debleske buder gar kowa dino, hoi leske hako diwes hunte wals? Un har rah well o Debleskro kheer pale-tchiddo kerdo, un ap i bolepangre lurdende trujel stakedo?”

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Hosea 2:14

Me krau lakre drakengre ruka paash, ninna lakre faigetikre ruka, kolendar joi penas: “Kolentsa plaissran man mire pirne.” Me krau i diwjo weesh dran lende. Un kol rukengre, hoi pral atchenn, chan i diwje vieche.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.