Jesaja 5:29 - O Debleskro Drom 2021 (Sinte)

²⁹ Lengri gole hi har koja, hoi i lewo dell, awa, jaake har dell i terno lewo gole, hoi well dur dran leskri meen. Un palle stell lo pre un taprell ko vieches, hoi lo chapaske kamell, un hidjrell les kote, kai kek nai lell les leske krik.

O Debleskro Lab 2024 (Sinte-Manouche)

²⁹ Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jesaja 5:29 ပူးပေါင်းရင်းမြစ်များ

Zakarie 11:3

I pralstune pral i themma denn gole i dukatar, lengro railepen hi buder gar. Shunenn i gole i lewendar! O weesh, kai le khere his, pash o pani Jordan, hi khetne stakedo.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Jesaja 42:22

Hoi was dran leskre menshende? Lengro them hi wi-tchoredo un wi-randedo. Jon halauter hi tapedo, un pandlo an o stilepen. Randedo hi le, un kek hi koi, kai lell len win dran o pandepen. Tchoredo hi le, un kek hi koi, kai penell: De pale kai!

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Jeremia 51:38

Kanna denn le khetne gole har i lewe, un sikrenn i danda har i terne lewe.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jesaja 31:4

Kawa hi, hoi rakras o baro Dewel ap mande: I lewo – nai well i phuro, nai well i terno – hoi i vieches tapras, mukell pes gar lestar krik te tradell. Job dell gole un darell gar kolendar, kai ap i viechende jak dan, un kanna khetne kharedo wan, un bari gole ap leste denn. Ninna te hi kolla bud, trashell lo lendar gar. Jaake wau me, o baro Dewel, ko rai pral o bolepen un i phub, tele ap i berga Zion, te kurap man mire menshenge.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Jesaja 35:9

Kek lewo hi kote; witar kek wawar viecho, hoi wawar viechen chal, djal ap ko drom; sawe vieche wenn gar kote hatslo. Ap kau drom djan kokres sawe menshe, kolen o baro Dewel win las dran o pandepen.

Jesaja 47:15

Jaake hi kol tsele drawepangre, kolentsa khetne budral, kolla, kai paran tuha fun ko tsiro, har terno hals. Kek lendar nai rikrell pes ap peskre herja, un perell fun jek rig ap i wawar. Un kek hi koi, kai lell tut win dran i bibacht.

Nahum 2:11

Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Jeremia 2:15

O lewo dell gole pral leste, dell sorelo gole un krell leskro them paash. Un leskre forja wenn pre chatchedo jaake, kai nai djiwenn kek koi dren.