Jesaja 5:26 - O Debleskro Drom 2021 (Sinte)

²⁶ Un job bitchrell i sikepen i menshenge an i them, hoi dur krik hi. Un job sholell, te wenn le dran o palstuno i phubjatar. Dik, kote wenn le – jaake sik har djala!

O Debleskro Lab 2024 (Sinte-Manouche)

²⁶ Oun yob bičrell i sikepen i menshenge an i them, hoy dour krik hi. Oun yob sholell, te venn le dran o palstouno i phoubyatar. Dik, kote venn le – yaake sik har djala!

Jesaja 5:26 ပူးပေါင်းရင်းမြစ်များ

Debleskri gili 60:4

Tu kral, te trissas i phub jaake, te phagas li. Kre lat pale tseles, te phagell li gar khetne!

Debleskri gili 72:8

Un job well o baro rai pral i tsele themma, fun jek baro pani bis pash o wawar baro pani.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jesaja 11:12

Un job tchiwell i sikepen pre, te sikrell lo kol menshen an i wawar themma, te anell lo kolen khetne, kai dran Israel un Juda win tradedo his. Kolen anell lo pale dran hake rigja i phubjatar.

Jesaja 13:2

Ap i bari nangi berga tchiwenn i sikepen pre! Denn soreles i lurden khetne gole! Sikrenn len i wastentsa, te djan le dren an o foreskre wudja, kai i raja djiwenn.

Jesaja 13:3

Me, o baro Dewel, dom mire sorele kurepangren khetne gole. Kolla, kai hadenn man bachteli goljah, tchiwom mange ap i rig, te anenn le miri choli pral lende.

Jesaja 13:4

Shunenn i bari gole ap i berge har bud bud menshendar! Shunenn koi bari gole, hoi denn i menshe dran bud themma, kai kate khetne wan. O baro Dewel, ko rai pral o bolepen un i phub, anell peskre lurden o marepaske khetne.

Jesaja 13:5

Dran dur themma wenn le koi, i palstuni rigjatar i phubjatar. O baro Dewel well kolentsa, kai leskri choli pral o tselo them anenna, te krenn le halauter paash.

Jesaja 18:3

Denn jak, tumer menshe, kai ap i phub djiwenn, te rikrell jek o themeskri plachta pre pral ap i berge, palle denn jak! Un te phurdell jek an i phurdepaskri, palle shunenn koi!

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jesaja 31:9

Un lengre sorele kurepangre hi har mulo i trashatar, un lengre pralstune mukenn koi pre-tchiddi plachta, hoi lengro sikepen his. Kowa penell o baro Dewel, kai ap i berga Zion khere hi, kai leskri jag chatchell. Un leskro bob hi an o foro Jerusalem.

Jesaja 39:3

Kote was o Debleskro rakepaskro Jesaja pash o rajeste Hiskija un putchas lestar: “Hoi penan kal mursha? Un hawo themestar wan le pash tute?” O Hiskija penas: “Jon wan dran i dur them kate pash mande, dran o them Babilonia.”

Jesaja 7:18

An ko tsiro phurdell o baro Dewel an i tikni phurdepaskri: Un lurde wenna dran o them Egiptia har matsille, un dran o them Assur har biene.

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 5:15

Pen kol menshenge an Israel: Me anau menshen fun dural pash tumende, penell o baro Dewel, menshe, kolengro rakepen, un hoi jon penenna, haiwenn tumer gar. I phuri natsjona hi le. Un len hi bari soor.

Jeremia 51:27

Hadenn o kurepaskri plachta pre ap i phub! Phurdenn an i phurdepaskri an i tsele themma! Denn i rajen pral i wawar themma gole, te djan le an o kurepen o foreha Babilon! Penenn i bare rajenge pral i themma Ararat, Minni un Ashkenas, te bitchrenn le lurden, te kurenn le pen i menshentsa an Babilon! Rodenn lurdengre pralstunen win! Anenn jaake bud graja khetne har stepangre!

Ropaskre gilja 4:19

Kolla, kai men palla lan, his sikeder har i adlarja tel o bolepen. Ap o pralstuno them lan le men palla, un an o mulo them luran le menge pre.

Ezekiel 38:17

Kawa penell o baro Dewel, maro rai, ap tute: Tu hal ko mursh, kolestar mukom mire rakepangren glan i rah tsiro te rakrell, kolla, kai kran, hoi lenge penom. An lengro tsiro penan le i Israelenge glan-wi, te mukau tut pral lende te well.

Joel 2:7

Jon nashenn har sorele mursha, un stenn pral i massurja har kurepangre; kek lendar mukell peskro drom, un djal gar tchatches witar gar serwes o dromestar tele.

Habakuk 1:8

Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.

Zakarie 10:8

Me kamau mire menshen gole te dell, awa, khetne gole te dell, te lap len win kotar, kai le pandle hi. Jon te wenn jaake bud har an o phuro tsiro.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.