Jesaja 5:22 - O Debleskro Drom 2021 (Sinte)

²² Djungeles djal kolenge, kai hi tchatche mursha pash o pipen, un sorele mursha te krenn le chatchedi.

O Debleskro Lab 2024 (Sinte-Manouche)

²² Djungeles djal kolenge, kay hi čače morsha pash o pipen, oun zorele morsha te krenn le rhačedi.

Jesaja 5:22 ပူးပေါင်းရင်းမြစ်များ

1. Rajengro liil 20:16

Un jon djan win dran o foro, har mashkral diwes his. Un kol terne mursha djan glan win. Un o Ben-Hadad pijas pes mates an i plachtene khera, job un kol wawar 32 (trijanda-dui) bare raja, kai ap leskri rig his. Koi was leske penlo kol murshendar, kolen job bitchras, te denn le jak: “Mursha wenna dran Samaria win.”

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

Gosewe laba 20:1

Te pijeh i sorelo pipen, weh diwjo un saneh pral lautereske. Kowa, kai jaake bud pijell, te well lo mato, koles hi kek goswepen.

Gosewe laba 23:29

Koneske hi ropaske? Koneske djal djungelo? Koon krell tchingepen? Koon hi bibachtelo? Kones hi duk kek nasslepah? Kones hi mate jaka?

Gosewe laba 31:4

Ma pi tut mates! Mool un chatchedo pipen hi tchi bare rajenge un pralstunenge.

Gosewe laba 31:5

Te pijenn le, nai bistrans le, hoi o Dewel lendar kamell, un dikenn buder gar koi pre, te lenn i tchorwele pengro tchatchepen.

Jesaja 22:13

Un hoi krenn tumer? Tumer sanenn un khelenn, marenn grumjen un bakren, chan mass un pijenn mool. Tumer penenn: “Mukenn men te chal un te pijell, taissar merah mer!”

Jesaja 24:9

Kek giwell buder pash o pipen, un shutlo hi i mool kolenge, kai pijenn.

Jesaja 28:7

Ninna i rashaja un o Debleskre rakepangre hi mato i moljatar, un perenn jek rigjatar ap i wawar o sorelo pipastar, hoi le pijan. Jaake bud mool un sorelo pipen pijan le, te nai atchenn le buder gar tardo. Te rakrenn le o Debleskro lab win, hi le mato koi pashel. Te krenn le o tchatchepen win, perenn le jek rigjatar ap i wawar.

Jesaja 5:11

Djungelo djal kolenge, kai stenn pre taissarlake, te djan le an i kertchima, un rati gomme koi beshdo hi un mato wenn!

Jesaja 56:12

Jon denn gole: Awenn kai, me kamau mool te anell, te pijas men mates! Un taissar krah har kau diwes, un gomme shukeder!

Habakuk 2:15

Djungeles djal tuke, kai mukeh i wawaren tiro khoro pherdi choli te pijell, un kreh len mato, te dikess len nango!