Jesaja 5:10 - O Debleskro Drom 2021 (Sinte)

¹⁰ Ap deesh hektarja drakengro them wenn drake bares, hoi denn gar budeder har ochta litarja mool. Un sheel kilogramme djob, hoi wi-witsedo wan an i phub, anenn gar budeder har deesh kilogramme djob.

O Debleskro Lab 2024 (Sinte-Manouche)

¹⁰ Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

Jesaja 5:10 ပူးပေါင်းရင်းမြစ်များ

2. Mose 37:22

Un kol blume un i mussja hi leha khetne kerdo dran jek kotar latcho sonakai.

Jesaja 32:13

Ap i hachetikri phub mire menshendar wenn subjengre burra un subjengro senlepen baro. Rowenn ninna trul i khera, kai pherdo sapen his an ko bachtelo foro.

Jesaja 7:23

Un an ko tsiro well jaake: Kote, kai kanna i seri drakengre ruka tardo hi, hoi khetne jek sero rupene beme moldo hi, kote hi palle subjengre burra un subjengro senlepen tardo.

Jeremia 48:33

Kote, kai i ruka un burra tardo hi an o them Moab, giwenn un khelenn le buder gar pral ko latcho koowa, hoi kote bares was. Kek mool well kerdo. Kek drake wenn buder khetne stakedo, te nashell i mool win. O moljengro rai giwell buder gar peskri gili.

Joel 1:17

O djob an i phub meras tele, kek chapen hi buder an i djobengre khera, o djob was djungelo, un i djobengre khera phagenn khetne.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

3. Mose 27:16

Te das jek pes sowel, te dell lo i kotar phub o baro Debleste, palle well diklo, har bud djob ap ko kotar phub win witsedo well. Hi kowa jek gono djob, palle hi ko kotar phub 50 (paash-sheel) rupene beme moldo.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Haggai 2:16

Te was jek tumendar kote, kai i djob tchiddo hi, un kamas dui-sheel kilogramme te lell, hatsas job gar budeder har jek sheel kilogramme. Te was jek tumendar kote, kai i mool garedo well, un kamas sheel litarja te lell, hatsas lo gar budeder har star-deesh litarja.

5. Mose 28:38

Tumer witsrenn bud djob ap tumari phub win, un anenn kokres i wast pherdo dren. I stepangre chan halauter pre.

5. Mose 28:39

Tumer tchiwenn drakengre ruka an i phub, un denn garda ap lende. Un kirme wenn un chan i drake pre. Un tumer nai lenn kek drake dren, un nai pijenn kek mool lendar.