Jesaja 49:9 - O Debleskro Drom 2021 (Sinte)

⁹ – te peness i pandlen: Djan win; un kolenge, kai an i kali rat hi: Awenn win! Palle hi le har bakre, hoi chapen hatsenn pash o drom. Un ap o pralstuno them hatsenn le senlepen.

O Debleskro Lab 2024 (Sinte-Manouche)

⁹ – te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

Jesaja 49:9 ပူးပေါင်းရင်းမြစ်များ

Debleskri gili 102:20

O baro Dewel dikas pral tele dran o pralstunepen, kai lo khere hi. Dran o bolepen dikas lo tele ap i phub,

Debleskri gili 146:7

un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

Debleskri gili 22:26

Tut kamau me te sharell, kote, kai bud khetne wenna. Glan kolende, kai tut an-mangenna, kamau me tuke te dell, hoi sowel dom.

Debleskri gili 69:33

Te dikenn kowa kolla, kai tele rikedo hi, wenn le bachtelo. Un kolenge, kai o Debles rodenna, djiwell lengro dji pale pre.

Jesaja 41:18

Me mukau pani i berge tele te nashell, un pani dran i phub te well an o telstuno them. Me krau o mulo them te well lestar i them, kai panja nashenna, un dran ko truk them krau i panjeskro them.

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 42:7

Tu kress i korelenge i jaka pre, un less i pandlen win dran o stilepen, kai hi le beshdo an i kali rat.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jesaja 65:13

Doleske penell o baro Dewel, maro rai: An ko tsiro, kai tumer bokenn, hi mire budepangren chapaske. An ko tsiro, kai tumer trushenn, hi mire budepangren doha te pijell. An ko tsiro, kai han an i ladj, hi mire budepangre an i bacht.

Jesaja 9:2

Baro Dewel, tu kral, te wenn i menshe bud, kral, te well lengri bacht bares. Glan tute stenn un sanenn le i bachtjatar, jaake har an ko tsiro, kai lenn le o djob dren, un jaake har lurde bachtelo hi, te lenn le pengro kotar kolestar, hoi randedo was an o kurepen.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Ezekiel 34:29

Me krau lengro them, te well lo i shukar baar, hoi hi prindjedo ko latchepaske, hoi kote baro well. Kek lendar hunte bokell buder gar. Un i menshenge an wawar themma hi le buder gar sapaske.

3. Mose 25:54

Nai ginell kek les win, hunte well job peskre tchawentsa win muklo an ko bersh, kai i tseli sijaan muklo well.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Louka 1:79

un well diklo kolendar, kai hi len traash o merepastar. Kai bari momeli anell men ap o drom, kai wella o Debleskri bacht ap mende.”

Louka 2:32

Job hi har i momeli, te sikrell lo kolen tiro drom, kai prindjrenn tut gar. Koleske sharenn jon i menshen an Israel.”

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

5. Mose 32:13

Job mukas len o rai te well pral o pralstuno them. Un jon nai chan o djob ap i hachetikri phub. Gwin mukas lo len te hatsell mank i bare barra, un djet te lell i rukendar, hoi ap barrengri phub bares wan.

Kolossarja 1:13

Job las men win dran i wasta kolestar, kai hi o rai pral o tamlepen un o tchilatchepen, te djiwas mer khetne peskro Tchaweha, koles job o djijestar kamella. Kowa hi maro rai,

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.