Jesaja 49:4 - O Debleskro Drom 2021 (Sinte)

⁴ Mange was kowa wawartchandes glan. Un me penom: Tchatchepah, his tchitcheske koi phari budi, hoi ap mande lom. Dom tchitcheske miri tseli soor kolake. Djinau, miro tchatchepen hi pash o baro Debleste, un kowa, hoi lau koleske, hoi krom, well miro Deblestar.

O Debleskro Lab 2024 (Sinte-Manouche)

⁴ Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jesaja 49:4 ပူးပေါင်းရင်းမြစ်များ

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Galatarja 4:11

Me trashau tumenge, kai miri budi pash tumende tchitcheske his.

2. Korintarja 12:15

Tumenge doms me lauter, hoi man hi, ninna miro djipen. Miro dji hi baro tumenge. Hi tumen doleske kek kamlepen mange?

2. Korintarja 2:15

Te rakrah o latcho lab o Jesus Kristestar, hi o Dewel bachtelo pral kowa. Kowa hi leske har i shukar sungepen, hoi djal pash kolende, kai lenn o Debleskro djipen un ninna pash kolende, kai djan nashedo.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Mateo 17:17

Koi penas o Jesus: “Tumer tchilatche menshe, tumen hi kek patsepen! Har rah hunte atchap pash tumende? Har rah marap man tumentsa tele? Anenn les pash mande!”

Ezekiel 3:19

Tu te dal les trad, un job djal gar tele peskro tchilatcho dromestar, un djiwell dureder an o tchilatchepen, palle lell lo peskri phagi, un hunte merell. Tiro djipen lal tu dran o merepen win.

Jesaja 65:23

Jon budrenn gar tchitcheske, un lengre tchawe wenn gar boldo, te merenn le sik. Jon hi menshe, ap kolende o baro Debleskri bacht tchiddo hi, – ap lende, ninna ap lengre tchawende.

Jesaja 62:11

Dikenn, o baro Dewel mukell kal laba te shunell ap i tseli phub: Penenn i menshenge an o foro Jerusalem: Kowa, kai lell tumen win dran o tchilatchepen, hi ap o drom. Kolen job peske khetne anas, kolla hi pash leste. Awa, kolen job peske ginas, kolla djan glan leste.

Jesaja 40:10

Dikenn, o baro Dewel, maro rai, well bari sorjah. Un job hi o rai pral halauter. Kolen, kai job win las dran o pandepen, hi pash leste. Awa, kolen, kai job peske ginas, djan leske glan win.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Remarja 10:21

Pral i Israeleskre menshende penas o Dewel: O tselo diwes homs latcho ap lende, un jon kamenn gar ap mande te shunell un kamenn gar te krell, hoi me lenge penau.

Johanni 1:11

Job was an peskro them, un leskre menshe lan les gar pre.

Louka 24:26

Kolla penan: O Kristo, ko baro rai, kones o Dewel bitchras, hunte las duka ap peste, te djas lo an peskro railepen.”

Jesaja 65:2

Me rikrom o tselo diwes mire wasta win kol menshenge, kai kaman gar ap mande te shunell, un djan i drom, hoi gar mishto hi, un djiwenn pal pengro shero.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

Filiparja 2:16

te rikrenn tumer ap o Debleskro latcho lab, hoi o djipen della. Te krenn tumer kowa lauter, palle hom me bachtelo ap ko diwes, kai o Jesus Kristo pale wella. Jaake his miri budi pash tumende gar tchitcheske.

Gosewe laba 29:26

Bud rodenn i rajes pre, te rakrenn le leha. Kowa, kai dell o menshes peskro tchatchepen, hi kokres o baro Dewel.

Jesaja 25:1

Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Jesaja 40:27

Hoske penenn tumer Israelitarja, tumer, kai wenna pal o Jakob: “O baro Dewel prindjrell men buder gar. Maro Dewel dikell gar koi pre, te well men maro tchatchepen.”

Jesaja 57:21

Kek latcho koowa hi i tchilatchenge, penell miro Dewel.

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”