Jesaja 49:3 - O Debleskro Drom 2021 (Sinte)

³ Un job penas ap mande: Miro budepaskro hal tu, Israel, ap tute sikrau miro railepen.

O Debleskro Lab 2024 (Sinte-Manouche)

³ Oun yob penas ap mande: Miro boudepaskro hal tou, Israel, ap toute sikrau miro raylepen.

Jesaja 49:3 ပူးပေါင်းရင်းမြစ်များ

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 43:21

Un mire menshe Israel, kolen mange krom, sharenn man glan i wawarende.

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Johanni 12:28

Tata kre, te sharell hakeno tiro lab!” Koi was i rakepen dran o bolepen un penas: “Me krom, kai well job sharedo. Un kowa krau me pale.”

Johanni 15:8

Te well bud latchepen dran tumende, well miro dad sharedo. Un tumer wenn mire mala.

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 17:4

Me sikrom kol menshen tiro railepen un tiri soor ap i phub. Un me krom halauter, hoi tu mange penal.

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

2. Tessalonikarja 1:10

ap ko diwes, kai well maro rai Jesus pale, te well lo sharedo peskre menshendar. Un i tsele patsle dikenn les, un hi bachtelo pral leste, ninna tumer, kai patsan ap o Debleskro latcho lab, hoi mer tumenge penam.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.