Jesaja 49:2 - O Debleskro Drom 2021 (Sinte)

² Job kras miro rakepen har i charo, hoi mishto tchinell, un khatras man tel peskro wast. Un job kras mandar i failo, hoi dell mishto tchurje, un rikrell man khatedo har i faile an lengri possita.

O Debleskro Lab 2024 (Sinte-Manouche)

² Yob kras miro rakepen har i rharo, hoy mishto činell, oun khatras man tel peskro vast. Oun yob kras mandar i faylo, hoy dell mishto čourye, oun rikrell man khatedo har i fayle an lengri possita.

Jesaja 49:2 ပူးပေါင်းရင်းမြစ်များ

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

2. Mose 33:22

Te djau me an miro railepen glan tute, tchiwau me tut mank i bare barra, un rikrau miro wast pral tute, bis te djom dureder.

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jeremia 1:18

Kau diwes dau me tut i soor, te wess jaake sorelo har i sorelo foro, i sasterno ruk, un i massuri dran lolo saster. Hakeno an kau them well chojedo ap tute: i bare raja un pralstune pral o them Juda, ninna i rashaja un i menshe an kau them.

Hosea 6:5

Doleske bitchrom tumenge mire rakepangre. Un lengro rakepah dau me tumen khetne, un marau tumen mire labentsa, hoi wenn dran miro mui. Miro tchatchepen well glan har o kham.

Habakuk 3:11

Un o tchon atchas tardo, har dal tire faile karje. Tiri sasterno witsepaskro tchuri was diklo har i jag.

Louka 23:46

Un o Jesus das bari gole: “Miro dad, an tire wasta tchiwau me miro djipen!” Un palle meras lo.

Efesarja 6:17

Ma bistrenn, te las tumen o Jesus Kristo dran o tchilatchepen un o merepen win! Kowa hi tumenge har i sasterni stadi ap tumaro shero. Lenn ninna o Debleskro lab an tumaro wast. Kowa hi har i charo, hoi dell tumen o Debleskro Ducho.

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Debleskro tsiro 1:16

Un an leskro tchatcho wast his les efta bolepangre momlia. Un dran leskro mui was i charo, hoi ap dui rigja nai tchinella. Un leskro mui his har o kham.

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.

Debleskro tsiro 2:12

“Tchin kau liil ap o Debleskro budepaskro, kai dell jak ap i patslende an o foro Pergamon: Kawa penell kowa, koles o charo hi, hoi ap dui rigja tchinella.

Debleskro tsiro 2:16

Krenn kanna ko tchilatcho koowa buder gar! Te mukenn tumer kowa gar, palle wau an i tikno tsiro, un tchingrau ap kolende, kai shunan gar ap mande. Un miro rakepen tchinella har i charo.