Jesaja 48:18 - O Debleskro Drom 2021 (Sinte)

¹⁸ Kamaus, te shunals tu ap mire laba. Palle wals jaake bud latchepen an tiro djipen, har pani an i lengsto pani hi. Un pale te pale wals bacht ap tute, jaake har o baro pani pale te pale ap o them nashell.

O Debleskro Lab 2024 (Sinte-Manouche)

¹⁸ Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

Jesaja 48:18 ပူးပေါင်းရင်းမြစ်များ

Debleskri gili 119:165

I bari bacht hi kolen, kai tiro drom kamenna. Jon perenn gar tiro dromestar tele.

Debleskri gili 36:8

Har railo hi tiro latchepen, miro Dewel! I menshe wenn pash tute, te rikress tire wasta pral lende, har i tchirklo rikrell peskre mussja pral peskre terne.

Jesaja 33:21

Kote hi o baro Dewel soreles pash mende. Job hi maro tchatchepaskro rai, un kowa, kai menge glan djal, awa, maro baro rai, kai men dran o merepen win lell. Un o foro hi tchiddo pash buchle lengste panja. Un kek bero ulerell ap lende. Un kek kurepaskro shiffo ulerell ap lende trujel.

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jesaja 45:8

Tu bolepen, de tchatchepen ap i phub har brishin! Tu phub, kre tut pre, un an latchepen win! Un o tchatchepen mu well baro ap tute! Me, o baro Dewel krom kowa lauter.

Jesaja 54:13

O baro Dewel sikrell peskro drom tire tsele tchawende, un lenge djal mishto.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 61:11

Jaake har mukell i phub o senlepen pre te djal, un bares te well, jaake mukell o baro Dewel, maro rai, o tchatchepen pre te djal, un maro sharepen bares te well pash i menshende an i tsele themma.

Jesaja 62:1

Te dikau tut, Jerusalem, nai rikrau gar miro mui, dran o kamlepen ap tute dau gar pre, bis te lell o foro peskro tchatchepen, un leskri bacht pre djal har o kham un diklo well har i jag an i rati.

Jesaja 66:12

Kawa penell o baro Dewel ap o foro Jerusalem: Dik, me mukau bud latchepen pral tute te well har i lengsto pani. Un o brawlepen dran wawar themma nashell an tute har i diwjo pani. Me dau garda ap tute har i dai ap peskro ternepen, hoi hidjrell li ap i wasta, un tchiwell les ap peskre herja un khelell leha.

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

Amos 5:24

Krenn lauter, te well hakeneske peskro tchatchepen! Mukenn o tchatchepen te nashell an o tselo them har i lengsto pani, hoi les hako tsiro pani hi.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Remarja 14:17

Kolla, kai o Dewel o rai pral lende hi, kolla tchingrenn gar pral kowa, hoi jon chana un hoi jon pijenna. Na-a. Jon djiwenn pal o tchatchepen, hoi o Deblestar wella un tchingrenn gar, un o Debleskro Ducho dell len bacht an o dji.

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.