Jesaja 48:14 - O Debleskro Drom 2021 (Sinte)

¹⁴ Awenn tumer lauter khetne, un shunenn! Kek tumare chochene deblendar penas kowa glan-wi: Me, o baro Dewel, rodom o Kirus win, te krell lo o themeha Babilonia, hoi kamau, un te sikrell lo miri soor ap kolende an o them Kaldea.

O Debleskro Lab 2024 (Sinte-Manouche)

¹⁴ Avenn t'mer lauter khetne, oun shounenn! Kek t'mare rhorhene deblendar penas kova glan-vi: Me, o baro Devel, rodom o Cyrus vin, te krell lo o themeha Babilonia, hoy kamau, oun te sikrell lo miri zoor ap kolende an o them Kaldea.

Jesaja 48:14 ပူးပေါင်းရင်းမြစ်များ

Jesaja 43:9

I menshe dran i tsele themma wan khetne. Kek kolendar penas glan-wi, hoi an o phuro tsiro was. Kek kolendar penas menge glan-wi, hoi kanna well. Mu sikrenn le men, koon lendar tchomone glan-wi penas, hoi tchatchepah jaake was, te shunas mer kowa un nai penah: Kawa hi tchatcho!

Jesaja 41:22

Anenn tumare deblen, te penenn le menge, hoi wella an ko tsiro, hoi wella. Putchenn lendar, hoi penan le glan-wi an o phuro tsiro, te dikas, te was kowa jaake. Te nai krenn le kowa gar, mukenn men kowa te shunell, hoi gomme well!

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jesaja 44:7

Un koon hi har me? Kowa mu dell gole un penell les un sikrell les mande! Koon mukas an o phuro tsiro glan-wi te penell, hoi wella? Mu penenn le menge, hoi wella!

Markus 10:21

Un o Jesus dikas kamles ap leste un penas: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un dja mantsa!”

Jesaja 13:19

O Babilon his i shukester foro mank i rajengre themma. Koleha sharenn pen i Kaldearja. O Dewel krell kau foro paash, jaake har lo i forja Sodom un Gomorra paash kras.

Jesaja 21:9

Kanna dikom i murshes ap i wurdin dui grajentsa. Un ko mursh das gole: O foro Babilon peras, peras. Un i tsele chochene debla hi paash dino ap i phub.

1. Mose 49:1

Un o Jakob das peskre tchawen gole un penas: Awenn khetne! Me penau tumenge, hoi tumenge djala an ko tsiro, kai wella.

1. Mose 49:2

Tumer, o Jakobeskre tchawe, awenn un shunenn! Shunenn, hoi tumaro dad, o Israel, tumenge penell!

Jesaja 45:13

Me hom kowa, kai mukas o Kiruses pre te stell, te anell lo o tchatchepen. Un me kamau lauter krik te lell, hoi leske ap leskro drom tchiddo hi. Job tchiwell mange ko foro pale pre. Un mire menshe, kai pandles krik anlo wan, kolen mukell job te djal. Kek dell les lowe koleske, witar gar wawar koowa. Kowa penell o baro Dewel, ko rai pral o bolepen un i phub.

Jeremia 50:44

Har i lewo win well dran i burra pash o pani Jordan, wau me un tradau i Babilonarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!