Jesaja 48:12 - O Debleskro Drom 2021 (Sinte)

¹² Shun ap mande, Jakob, tu, kai kharedo weh ‘Israel’! Tu hal kowa, koles gole dom! Me kokres hom o Dewel, un atchau kowa, kai homs un hom.

O Debleskro Lab 2024 (Sinte-Manouche)

¹² Shoun ap mande, Yakob, tou, kay kharedo veh Israel! Tou hal kova, koles gole dom! Me kokres hom o Devel, oun ačau kova, kay homs oun hom.

Jesaja 48:12 ပူးပေါင်းရင်းမြစ်များ

Gosewe laba 7:24

Doleske, mire tchawe, shunenn ap mire laba! Denn jak ap miro rakepen!

Gosewe laba 8:32

Doleske, mire tchawe, shunenn ap mande! Bachtele hi kolla, kai ap miro drom djana!

Jesaja 34:1

Awenn kai, tumer menshe dran wawar themma, un shunenn! Denn jak ap hako lab! I tseli phub un lauter, hoi ap late djiwell, mu shunell, hoi penau.

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 41:4

Koon hi kowa, kai kras kowa lauter? Koon dell i menshen gole un penell, hoi lentsa djala? Me hom kowa, o baro Dewel; glan hake tsirja homs koi, un hom gomme koi, te wenn i palstune diwessa.

Jesaja 43:10

O baro Dewel penell: Mire menshe, tumer han kolla, kai djinenn, hoi me krom; un tumer han kolla, kai mange wi-rodom, te wenn mange koi. Kanna djinenn tumer un patsenn un haiwenn, te hom me o tchatcho Dewel. Glan mande was kek wawar dewel, un pal mande well witar kek wawar dewel.

Jesaja 43:11

Me kokres hom o baro Dewel, un dell kek wawar har me, kai nai lell tumen win dran o merepen.

Jesaja 44:1

Kanna shun tu, Israel, miro budepaskro, tumer mire wi-rodede menshe, kolengro phuro dad o Jakob his.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 46:3

Tumer dran o kheer Jakob, tumer, kai pral atchan dran o kheer Israel, shunenn ap mande, tumer, kolen rikrom jaake rah har ap i phub han. Awa, jaake rah har boldo wan, hidjrom tumen.

Jesaja 46:4

Ninna te wan tumer phuro, atchau me kowa, kai homs; ninna te lan tumer parne balla, rikrau tumen. Me hom, kai krom tumen. Un me rikrau tumen, un hidjrau tumen, un lau tumen dran o tchilatchepen win.

Jesaja 49:1

Shunenn ap mande, tumer kai pash o baro pani djiwenn! Denn jak ap miro rakepen, tumer an i themma, hoi dur krik hi! Har gomme gar boldo wom, das man o baro Dewel gole, un das man miro lab.

Jesaja 51:1

Shunenn, hoi penau, tumer, kai rodenn o tchatchepen, tumer, kai rodenn pal o baro Debleste tumari tseli sorjah: Dikenn ap o Abraham, tumaro phuro dad. Job his har i baro sorelo bar, un tumer han har barra, hoi dran leste dino wan. Dikenn ap tumare phurende, kolendar tumer wenna:

Jesaja 51:4

Shunenn ap mande, mire menshe, denn jak ap kowa, hoi penau! Me sikrau o drom, hoi te djan. Un mire tchatchepaskre laba hi har i momeli, hoi sikrell i menshenge an i tsele themma. hoi tchatcho hi.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Mateo 20:16

Un o Jesus penas dureder: “Dikenn, jaake wenn bud palla tardo, kai kanna glan tardo hi. Ninna wenn bud glan tardo, kai kanna palla tardo hi.”

Remarja 1:6

Mank kol menshende han tumer ninna an o foro Rom. O Jesus Kristo das tumen gole, te wenn pash leste.

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

1. Korintarja 1:24

Mank kolende, kolen o Dewel peske win rodas, hi bibolde un sawe, kai kek bibolde hi. Jon te shunenn o lab o Jesus Kristestar, palle dikenn le an leste o Debleskri soor un leskro goswepen.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Debleskro tsiro 1:11

Un ko rakepen penas: “Tchin an i liil, hoi tu dikeh! Un bitche ko liil ap kol patslende, kai an kol efta forja khetne wenna: Efesus, Smirna, Pergamon, Tiatira, Sardes, Filadelfia un Laodicea!”

Debleskro tsiro 1:8

O baro Dewel penella: “Mandar was lauter. Un lauter wella pale glan mande. Man hi i tseli soor, un djiwau hako tsireske: kanna un an ko tsiro, hoi his un hoi wella.”

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 2:8

“Tchin kau liil ap o Debleskro budepaskro, kai dell jak ap i patslende an o foro Smirna: Kawa penell kowa, hoi hi o glanstuno un o palstuno, hoi mulo his, un djido was.

Debleskro tsiro 22:13

Mandar was halauter. Un lauter well pale glan mande. Me hom o glanstuno un o palstuno, kowa, kolestar lauter was, un koleha lauter pre-herell.