Jesaja 47:7 - O Debleskro Drom 2021 (Sinte)

⁷ Un tu penal: Me atchau rajetsa hako tsiro. Un mukal gar an tiro dji te djal, te nai perals kau koowa ap tute pale. Har kowa win djals, his tuke tchi moldo.

O Debleskro Lab 2024 (Sinte-Manouche)

⁷ Oun tou penal: Me ačau rayetsa hako tsiro. Oun moukal gar an tiro dji te djal, te nay perals kava koova ap toute pale. Har kova vin djals, his touke či moldo.

Jesaja 47:7 ပူးပေါင်းရင်းမြစ်များ

2. Mose 7:23

Un o Farao rissras pes trujel un djas pale an peskro kheer un mukas peske kowa gar an o dji te djal.

Jesaja 42:25

Kote mukas lo peskri bari choli pral mende te well, un mukas men an i sorelo kurepen te well. Leskri choli his trul mende trujel har i jag, un mer haiwam kowa gar. Ninna har chatchras men leskri choli, lam kowa gar an mare djia.

Jesaja 47:5

Rike tiro mui, un besh tut tele, Babilon! Khate tut an i kali rati! Tu well buder gar kharedo ‘Rajetsa pral bud themma’.

Jesaja 57:1

O baro Dewel penell: Kowa, kai an o tchatchepen tardo his, meras. Un kek lell kowa an peskro dji. Un kolla, kai rikran ap mande, nashran pengro djipen. Un halauter krenna, har te wals kowa gar lengro koowa. Tchatchepah, ko tchatcho mensho was win lino dran o tselo tchilatchepen un bibacht.

Jesaja 57:11

Konestar trashal un daral tu jaake, te chochral man un bistral man, un mukal man tuke gar an o shero te well? Hi kowa gar jaake: I rah tsiro penom tchi koi pral. Un doleske dareh buder gar mandar.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Ezekiel 7:2

Tu, mensho, kawa hi, hoi penau me, o baro Dewel tumaro rai ap o them Israel. Hi doha! O tsiro hi koi, kai djal o tselo them Israel tele.

Daniel 4:29

Tut tchiwenn le pale, te djiwess pash i wesheskre viechende un buder gar pash i menshende. Un jon denn tut khass te chal har i grumjen. Un efta bersha djan trujel, bis te tu haiweh, te hi o pralstuno Debles i tsele rajengre themma an leskro wast, un job dell kol themma koleste job kamell.”

Daniel 4:4

Kote wan pash mande: i tsele durkepangre un drawepangre, un kolla, kai an i bolepangre momlia drawerenn, un kolla, kai i mulen putchenn. Un me penom lenge, hoi me suni dom. Un jon nai penan mange gar, hoi koi suni kamell te penell.

5. Mose 32:29

Har kamaus, te wans le gosewo! Palle haiwans le, hoi ap lende wella.

Debleskro tsiro 18:7

Denn lat jaake bud duka un bibacht har his lat i shukar un brawelo djipen ap kai phub! Ninna kanna penell li an lakro dji: Me hom i bari rajetsa. Un man hi lauter doha. Un i bibacht well gar ap mande.”