Jesaja 47:1 - O Debleskro Drom 2021 (Sinte)

¹ Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

O Debleskro Lab 2024 (Sinte-Manouche)

¹ Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jesaja 47:1 ပူးပေါင်းရင်းမြစ်များ

Hiob 2:13

Un jon his kote pash leste ap i phub beshdo efta diwessa un efta ratsja. Un kek lendar rakras leha. Jon dikan, leskre duka his baro un pharo.

Hiob 2:8

Un o Hiob las i kotar i paash-dino khorestar, te chandjrell lo pes koleha. Un job his beshdo mashkral i jagakri tchik.

Debleskri gili 137:8

Tu, foro Babilon, tu, kai lauter an kotja deh! Bachteles well kowa, hoi tuke pale della kowa, hoi tu menge kral!

Debleskri gili 18:27

Tu hal latcho ap koleste, kai hi latcho ap i wawarende un hal gosweder har kowa, kai ap bange dromma djal.

Debleskri gili 89:44

An o kurepen his leskro charo buder gar sorelo. Un tu mukal o Davides gar o sorleder te well.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jesaja 21:1

Kate sikrell o Dewel, hoi pral o diwjo them pash o baro pani wella. Har i sorelo ducho, hoi phurdell an o them Negev, wenn i lurde dran i mulo tato them, un dran i them, hoi traash pral i menshende anell.

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

Jesaja 26:5

I pre-phurden witsrell lo ap i phub, Lengro foro phagell lo tele, bis te hi lo tchiddo an i tchik.

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Jesaja 37:22

Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

Jesaja 52:2

Jerusalem, ste pre dran i tchik! Trissle koi tchik tele! Un besh tut ap i rajeskri beshepaskri! Witse kol shelle tele, hoi trul tiri meen pandlo hi, tu stildi tchai Zion!

Jeremia 13:18

Pen o baro rajeske un leskri dake: Awenn tele tumari beshepaskri! I raili rajeskri stadi peras tumaro sherestar tele.

Jeremia 46:11

Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jeremia 48:18

Tumer an o foro Dibon, kai han pre-phurdo pral tumaro railepen, djan tele un beshenn tumen an i tchik! Kolla, kai phagan i wawar forja an o them Moab khetne, wenn pash tumende, un krenn tumare sorele khera paash.

Jeremia 50:1

Kawa hi ko lab, hoi penas o baro Dewel ap peskro rakepaskro, o Jeremia, pral o them Babilonia un leskro foro Babilon:

Jeremia 50:42

Len hi boge un chare. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Babilon.

Jeremia 51:1

Kawa penell o baro Dewel: Dik, me bitchrau i ducho, hoi anell o merepen pral o them Babilonia un pral kolende, kai kote djiwenna – kolla, kai hadan pen pral mande.

Jeremia 51:33

Kawa penell o baro Dewel, ko rai pral o bolepen un i phub, kai o Israeleskro Dewel hi: O foro Babilon hi har i djobeskri platsa, hoi well i pirentsa soreles stakedo, te denn le nai kote o djob win. Sik well o tsiro o foreske, kai well lo khetne stakedo.

Jeremia 51:51

Tumer penenn: I ladj was pral mende. Menshe dran wawar themma praassan men un san pral mende. Wi-themarja peran an o kheer o baro Deblestar dren.

Ropaskre gilja 2:10

I phure an o foro Jerusalem hi beshdo ap i phub, un penenn kek lab. Jon witsran tchik ap pengro shero, un riwan gone ap pende. I terne tchenge an o foro Jerusalem hi ropaske. Jon djan ap pengre tchanga o mujeha ap i phub.

Ropaskre gilja 2:21

Tchawe un phure hi tchiddo an i dromma. Terne tcha un terne mursha wan o chareha maredo. Ap ko diwes kai tiri choli pral mende was, hi tut kek dji lenge, un maral len halauteren.

Ropaskre gilja 4:5

Kolla, kai bud latcho chapen chajan, merenn kanna i bokatar win ap i dromma. Kolla, kai ap kutch pernitse hidjedo wan, hi kanna an i khandli tchik tchiddo.

Ezekiel 26:16

Un i raja an kol themma pash o baro pani stenn pengre raile beshepangre pre, un djan lendar tele, un riwenn pengre kutch baja un shukar gada win, un riwenn paash koola an. Un beshenn ap i phub un mukenn gar tele te trissell.

Ezekiel 28:17

Tiro shukapen kras tut pre-phurdo. Un har brawelo un railo wal, kral sawo koowa, hoi gar gosewo hi. Doleske witsrom tut ap i phub, un mukom i wawar bare rajen ap tute tele te dikell, te wess lenge sapaske.

Jona 3:6

Har o baro rai o forestar Ninive shunas, hoi o Jona rakras, stas lo pre peskro beshepastar, riwas peskri kutch plaashka win, un tchiwas i gono ap peste, un beshas pes an i jagakri tchik.

Haggai 2:22

Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

Zakarie 2:7

Un me dikom ko bolepaskres, kai mantsa rakras, har lo i kotar glan djas. Un i wawar bolepaskro was pash leste.

Debleskro tsiro 18:7

Denn lat jaake bud duka un bibacht har his lat i shukar un brawelo djipen ap kai phub! Ninna kanna penell li an lakro dji: Me hom i bari rajetsa. Un man hi lauter doha. Un i bibacht well gar ap mande.”