Jesaja 45:8 - O Debleskro Drom 2021 (Sinte)

⁸ Tu bolepen, de tchatchepen ap i phub har brishin! Tu phub, kre tut pre, un an latchepen win! Un o tchatchepen mu well baro ap tute! Me, o baro Dewel krom kowa lauter.

O Debleskro Lab 2024 (Sinte-Manouche)

⁸ Tou bolepen, de čačepen ap i phoub har brishin! Tou phoub, kre tout pre, oun an lačepen vin! Oun o čačepen mou vell baro ap toute! Me, o baro Devel krom kova lauter.

Jesaja 45:8 ပူးပေါင်းရင်းမြစ်များ

2. Rajengro liil 19:25

Shun un muk tuke te penell: Kowa was jaake har me kamom. Glan i rah tsiro his jaake an miro shero. Kanna mukom te djal, kai tu wal, un sorele forja paash dal. Un kokres lengre barra pral atchan.

Debleskri gili 68:8

Maro Dewel, har djal tu glan tire menshende, un anal len ap o drom mashkral o mulo tato them,

Debleskri gili 72:3

Kote, kai job o baro rai hi, djiwenn i menshe i latcho djipen o Debleha, un tchatchepen well an o tselo them, ninna ap peskre tikne un bare berge.

Debleskri gili 72:6

Muk les te well har o brishin, hoi perell ap i phub, har o pani, hoi krell o them sapeno.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 32:15

Jaake atchell kowa bis an ko tsiro, kai tchorell o Dewel peskro ducho pral mende win. Palle well o mulo them i latcho them, kai jaake bud djob tardo hi, te dikell win har i weesh.

Jesaja 4:2

I tsiro wella, kai krell o baro Dewel peskro them Israel railo un shukar. Un kolla, kai pral atchan un an o them djiwenn, hi bachtelo pral ko bud latcho koowa, hoi i phub win anell. Un wawar menshe sharenn len koleske.

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 46:13

Me anau tumenge miro tchatchepen. Kowa hi gar dur tumendar krik. Sik lau tumen dran i bibacht win. An o foro Zion krau i menshen bachteles. un i Israelende sikrau miro railepen.

Jesaja 48:18

Kamaus, te shunals tu ap mire laba. Palle wals jaake bud latchepen an tiro djipen, har pani an i lengsto pani hi. Un pale te pale wals bacht ap tute, jaake har o baro pani pale te pale ap o them nashell.

Jesaja 53:2

Job was baro glan o baro Debleste har i sano terno ruk, har i drab hoi dran i truk phub well. Les his kek shukapen un kek barepen. Un har mer les dikam, hatsam tchi, hoi an mare jaka shukar wals.

Jesaja 60:21

Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Jesaja 61:11

Jaake har mukell i phub o senlepen pre te djal, un bares te well, jaake mukell o baro Dewel, maro rai, o tchatchepen pre te djal, un maro sharepen bares te well pash i menshende an i tsele themma.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jesaja 66:22

Tumare tchawe un tumaro lab atchenn glan mande, jaake rah har o newo bolepen un i newi phub, hoi me krau, glan mande atchenna, penell o baro Dewel.

Jeremia 31:22

Har rah kameh te nashess trujel, tu, miri tchai, kai mukal miro drom? O baro Dewel krell tchomone newes ap i phub: I romni hi pash peskro romeste.

Ezekiel 34:26

Un me tchiwau miri bacht ap lende un ap o tselo them, hoi trul miri berga hi. Un dau brishin an o tchatcho tsiro. Kau latcho brishin krell,

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Efesarja 4:24

Djiwenn kanna o newo djipen, hoi tumen o Dewel das! Palle han tumer an o tchatchepen tardo, un han tchatchepah leske koi.