Jesaja 45:7 - O Debleskro Drom 2021 (Sinte)

⁷ Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

O Debleskro Lab 2024 (Sinte-Manouche)

⁷ Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jesaja 45:7 ပူးပေါင်းရင်းမြစ်များ

2. Rajengro liil 19:25

Shun un muk tuke te penell: Kowa was jaake har me kamom. Glan i rah tsiro his jaake an miro shero. Kanna mukom te djal, kai tu wal, un sorele forja paash dal. Un kokres lengre barra pral atchan.

Hiob 10:13

Ninna te his jaake, djinau, khatedo an tiro dji his tut tchomone wawar mantsa glan:

Hiob 2:10

O Hiob penas ap late: “Tu rakreh jaake har i dineli tchai rakrell. O latchepen lam o Deblestar. Las mer gar ninna o tchilatcho koowa lestar?” Ninna te was kowa lauter jaake, anas o Hiob kek doosh ap peste un witsras o Debleske kek tchilatchepen glan.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Debleskri gili 105:28

O baro Dewel bitchras i tamlepen, te was kales, har rati. I Egiptarja shunan gar ap leskre laba.

Debleskri gili 29:11

O baro Dewel dell peskre menshende soor, ninna bacht un latcho koowa.

Debleskri gili 74:16

Tiro hi o diwes, un tiro hi i rat. Tu dal o kham un o tchon pengro drom, kai te djan le.

Debleskri gili 75:7

Tchatcho barepen well gar kotar, kai o kham pre-djala, un gar kotar, kai o kham tele djala, witar gar dran o mulo tato them.

Debleskri gili 8:3

Dran o mui i tchawendar un tikne tchawendar wenn kol laba, hoi sharenn tut. Jaake hunte rikrenn pengro mui kolla, kai kamenn tut gar un hi chojedo ap tute.

2. Mose 14:20

te was li mashkral i Egiptarja un i Israelitarja. Un joi his kali glan i Egiptarja. Pash i Israelitarja his li i momeli an i rat. Un i tseli rat nai wan i Egiptarja gar pash lende.

Jesaja 31:2

Ninna job hi gosewo un djinell hoi lo krell. Job bitchrell i bibacht, un lell gar peskre laba pale, kolentsa job len trad das. I tchilatchen dell lo i phagi un ninna kolen, kai lenge ap i rig wan.

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 47:11

Kanna well i bibacht pral tute, hoi tu nai gar krik drawereh. Awa, bibacht perell ap tute, kolatar nai nasheh gar tuke. Un jaake sik well koi bibacht pral tute, te nai dikeh lat gar glan-wi.

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 31:35

Kowa penell o baro Dewel, kai mukell o kham pre te djal, te well diwes, un o tchon un o bolepangre momlia, te nai dikah mer an i rat. Job krell o baro pani diwjo, te djal lo pral un tele. Leskro lab hi ‘baro Dewel, rai pral o bolepen un i phub’.

Jeremia 51:20

Un job penell: Tu, foro Babilon, hals miro depaskro saster, miro kurepaskro tower; wawar natsjone dom tuha khetne, un wawar rajengre themma krom tuha paash.

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Ezekiel 32:8

I tsele momlia ap o bolepen pral tute wenn kalo. Un pral tiro them anau tamlepen. Kawa penell o baro Dewel, maro rai.

Daniel 2:22

Job tchakrella pre un sikrell, hoi khatedo hi, un djinell, hoi an o tamlepen hi; pash leste hi kek tamlepen.

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 5:6

Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

Nahum 1:8

I baro sorelo panjeha khossell lo o foro krik kolendar, kai hadan pen pral leste. Un an i kali rat tradell lo len.

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Judas 1:6

Ma bistrenn witar gar kol bolepangren, kai dan gar garda ap koi budi, hoi o Dewel len das, un mukan pengro kheer an o bolepen. Kolen pandas lo i shellentsa, hoi kek tsireske buder pre kerdo wenn. Un job rikrell len stildo an i kali rat, bis te well ko baro diwes, kai i phagi pral lende wi-rakedo wella.