Jesaja 45:5 - O Debleskro Drom 2021 (Sinte)

⁵ Me hom o baro Dewel un dell kek wawar. Me kokres hom o Dewel. Me dom tut bari soor, ninna te prindjral man gar,

O Debleskro Lab 2024 (Sinte-Manouche)

⁵ Me hom o baro Devel oun dell kek vavar. Me kokres hom o Devel. Me dom tout bari zoor, ninna te prindjral man gar,

Jesaja 45:5 ပူးပေါင်းရင်းမြစ်များ

1. Rajengro liil 8:60

Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Hiob 12:18

I pandlen kol bare rajendar anell lo dran o pandepen win, un anell i bare rajen an o pandepen.

Hiob 12:21

Bari ladj anell lo ap i an-dikle pralstunende. Un i sorelendar lell lo lengro kurepaskro koowa krik.

Debleskri gili 18:31

I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

Debleskri gili 18:32

Jek kokres hi o Dewel. Kowa hi o baro Dewel. Jek kokres hi har i baro sorelo bar menge, kai nai khatrah men. Kowa hi maro Dewel.

Debleskri gili 18:33

Job hi kowa, kai dell man soor un krell i latcho drom glan mande.

Debleskri gili 18:39

Me dukrom len jaake, te nai stan le gar buder pre, un stakrom len tel mire herja.

Debleskri gili 86:10

Tu hal baro un kreh baro koowa, hoi kek wawar nai krella. Tu kokres hal o Dewel.

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

Jesaja 22:21

Un riwau les an tiri kutch baja, un tiro pereskro pandepen tchiwau leske trujel. Un lauter, pral kowa tu rai hals, dau an leskro wast, te well lo har i dad kolenge, kai an Jerusalem djiwenn un o tselo khereske Juda.

Jesaja 37:20

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Jesaja 43:10

O baro Dewel penell: Mire menshe, tumer han kolla, kai djinenn, hoi me krom; un tumer han kolla, kai mange wi-rodom, te wenn mange koi. Kanna djinenn tumer un patsenn un haiwenn, te hom me o tchatcho Dewel. Glan mande was kek wawar dewel, un pal mande well witar kek wawar dewel.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 44:8

Ma darenn, mire menshe! Ma trashenn! Mukom me kowa tumen gar te shunell un penom les tumenge gar glan i rah tsiro? Un tumer shunan un dikan les. Dell i wawar debles har man kokres? Dell i wawar sorelo debles, koles gar prindjrau?

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jesaja 45:6

te haiwenn le ap i tseli phub, te dell kek wawar dewel har man. Me hom o baro Dewel. Un dell kek wawar.

Jesaja 46:9

Mukenn tumenge an o shero te djal, har an o phuro tsiro his: Me hom o Dewel, un dell kek wawar har man. Kek hi jaake har me!

Jesaja 47:8

Shun kanna, tu, kai kameh o brawlepen, un patseh, kote kai beshdo hal, nai djal tuke tchi, un an tiro dji peneh: “Me hom i bareder. Kek well sorleder har me. Me hom kek, kolakro rom merella, un me hom kek, kolat kek tchawe hi.”

Ezekiel 30:24

Un me krau i mussja o baro rajestar pral o them Babilonia soreles. Un dau les miro charo an o wast. Un o Farao peskre phagede mussjentsa dell gole i dukatar glan leste har i mursh, kai was phares dukedo un hunte merell.

Joel 2:27

Un tumer Israelitarja dikenna, te hom me mashkral tumende. Me, o baro Dewel, hom tumaro Dewel un kek wawar. Un tumer, mire menshe, wenn an kek tsiro buder praassedo.

Johanni 1:1

Har o bolepen un i phub gar koi his, his o Lab koi. Kowa, kai hi o Lab, his pash o Debleste. Un job his o Dewel.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

5. Mose 4:35

Tumen mukas lo kowa te dikell, te djinenn, te hi o baro Dewel o tchatcho Dewel, un te dell kek wawar debles har les kokres.

5. Mose 4:39

Jaake hunte djinenn kau diwes un bistrenn kowa gar: Dell kek wawar Dewel har o baro Dewel kokres. Kek wawar dewel hi an o bolepen un witar gar ap i phub.