Jesaja 45:4 - O Debleskro Drom 2021 (Sinte)

⁴ Me krom tiro lab bares, ninna te prindjral man gar, un dom tut gole tiro labeha. Kowa krom o Jakobeske, kai mange koi hi, awa, o Israeleske, koles mange win rodom.

O Debleskro Lab 2024 (Sinte-Manouche)

⁴ Me krom tiro lab bares, ninna te prindjral man gar, oun dom tout gole tiro labeha. Kova krom o Yakobeske, kay mange koy hi, ava, o Israeleske, koles mange vin rodom.

Jesaja 45:4 ပူးပေါင်းရင်းမြစ်များ

Debleskri gili 136:22

Te well les i Israelenge, kai leskre budepangre hi. Leskro latchepen atchella hako tsireske!

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 43:14

O Israeleskro Dewel hi o baro Dewel, kai tumen dran o pandepen win lell, un penell: Tumenge, kai an o them Babilonia han, bitchrom jekes koi, te anell lo tumen, kai pandle han, win. Un kol Babilonarja, kai kanna i bachteli gole denn, rowenna palle.

Jesaja 44:1

Kanna shun tu, Israel, miro budepaskro, tumer mire wi-rodede menshe, kolengro phuro dad o Jakob his.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Mateo 24:22

Te krals o Dewel o tchilatcho tsiro gar tikneder, palle wals kek mensho dran o tchilatcho tsiro win. Kolen, kai o Dewel peske win rodas, kolenge krell lo o tchilatcho tsiro tikneder.

Markus 13:20

Te krals o Dewel ko tchilatcho tsiro gar tikneder, wals kek mensho dran o tchilatcho tsiro win. Kolen, kai o Dewel peske win rodas, kolenge kras lo o tchilatcho tsiro tikneder.

Bičepangre 17:23

Me djom an tumaro foro trujel, un dikom ko koowa, hoi tumenge mulno hi, un hoi tumer an-mangenna. Un me hatsom i bar, kai anenn le chapen i debleske. Ap ko bar hi tchinlo: Ko debleske, kai prindjrah gar. Un me penau tumenge: Ko Dewel, kones tumer an-mangenna, ninna te prindjrenn les gar, pral koleste rakrau me kanna.

Remarja 11:7

Hoi kanna? Kowa, hoi kaman i Israelitarja te lell, kowa lan le gar. Kolen kokres, kai o Dewel peske win rodas, kolla lan kowa. I tsele wawaren hi i dji dran bar.

Remarja 9:6

Kanna penau kate gar, te hi o Debleskro lab buder tchi moldo, hoi job ap i Israelitarja penas. Na-a! Hoi kamau te penell, hi kowa: I tsele Israelitarja hi gar lauter o Debleskre menshe.

Efesarja 2:12

Ap ko tsiro prindjran tumer o Jesus Kristes gar un hans gar o Debleskre menshendar. Ko latcho koowa, hoi o Dewel peskre menshenge penas, te dell lo len, his gar tumenge. Tumer prindjran o Debles gar, un djiwan har an i kali rat un dikan kek momeli glan tumende.

1. Tessalonikarja 4:5

I chantch hunte chal les gar pre, har kowa hi pash i menshende, kai prindjrenn o Debles gar.