Jesaja 45:2 - O Debleskro Drom 2021 (Sinte)

² Me djau glan tute, un krau tiro drom tchatcho. Me dau kol sasterne wudja dren, un phagau ko saster, hoi rikrell kol wudja pandles.

O Debleskro Lab 2024 (Sinte-Manouche)

² Me djau glan toute, oun krau tiro drom čačo. Me dau kol sasterne voudya dren, oun phagau ko saster, hoy rikrell kol voudya pandles.

Jesaja 45:2 ပူးပေါင်းရင်းမြစ်များ

Debleskri gili 107:16

te das lo sasterne wudja dren, un phagas sasterne pandepangre.

Jesaja 13:2

Ap i bari nangi berga tchiwenn i sikepen pre! Denn soreles i lurden khetne gole! Sikrenn len i wastentsa, te djan le dren an o foreskre wudja, kai i raja djiwenn.

Jesaja 14:31

Denn soreles gole, tumer, kai han tardo pash o foreskre wudja! Rowenn bari goljah, tumer, kai djiwenn an o foro! Trissenn i darjatar an o tselo them Filistia! Fun kotar, kai norden hi, well jagakro ducho un bud bud lurde, un kek kolendar atchell pale.

Jesaja 24:12

An o foro hi kokres paash dine khera. Un leskre bare wudja hi an kotja dino.

Jesaja 40:4

Krenn, te well haki berga tikneder! Un hadenn ko them, hoi mank i berge tchiddo hi! O bango drom te well buder gar bango! Un o djungelo drom te well mishto kerdo.

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 45:13

Me hom kowa, kai mukas o Kiruses pre te stell, te anell lo o tchatchepen. Un me kamau lauter krik te lell, hoi leske ap leskro drom tchiddo hi. Job tchiwell mange ko foro pale pre. Un mire menshe, kai pandles krik anlo wan, kolen mukell job te djal. Kek dell les lowe koleske, witar gar wawar koowa. Kowa penell o baro Dewel, ko rai pral o bolepen un i phub.

Jesaja 48:15

Me penom kawa, awa, me dom kau murshes gole, un mukom les te well. Un kowa, hoi lo peske glan las, kowa djal ninna.

Jeremia 28:13

“Dja pash o Hananja un pen leske: Kowa penell o baro Dewel: Tu phagal i kasht. Kanna well i saster kote, kai o kasht his.

Jeremia 51:30

Kol sorele kurepangre an o them Babilonia atchenn an lengre sorele khera, un djan gar an o kurepen. Lengri sorjah hi tchi buder, jon wan har djuwja. O foreskre wudja hi pre-phagedo, un i khera chatchenna.

Jeremia 51:58

Kawa penell o baro Dewel, ko rai pral o bolepen un i phub: I massurja ko baro forestar Babilon wenn tele phagedo bis ap i phub, un o foreskre bare wudja wenn chatchedo. Palle hi koi budi tchitcheske kerdo, hoi menshe dran wawar themma kran. Koleske jon pen tele maran, kowa chatchrell pre.

Daniel 5:28

‘Peres’ kharell ‘paash tchinlo’. Tiro them well an dui kotja un well ap i Medarja un i Persarja dino.”

Daniel 8:4

Un me dikom, har das ko bakro peskre shingentsa ap kol triin rigja: kote, kai o kham tele djal, un kote, kai o kham gar well, un kote, kai lo pralstunes tardo hi. Un kek viecho his sorleder har ko bakro. Un koon an leskre wasta peras, koles nai las kek win. Un ko bakro kras, hoi job kamas, un was pre-phurdo.

Nahum 3:13

Tire kurepangre – har djuwja wan le! I wudja glan tiro them hi dur pre, te nai djan kolla dren, kai kamenn tut te marell. I jag chatchrell kol sorele kashta, kolentsa i bare wudja pandle hi.

Louka 3:5

Krenn, te well haki berga tikneder! Un hadenn ko them, hoi mank i berge tchiddo hi! O bango drom te well buder gar bango! Un o djungelo drom te well mishto kerdo.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas: