Jesaja 41:5 - O Debleskro Drom 2021 (Sinte)

⁵ Kolla, kai djiwenn an dur themma, dikan, hoi krom, un daran. I tsele menshe ap i phub trissan i darjatar. Jon kran pen ap o drom un wan khetne.

O Debleskro Lab 2024 (Sinte-Manouche)

⁵ Kolla, kay djivenn an dour themma, dikan, hoy krom, oun daran. I tsele menshe ap i phoub trissan i daryatar. Yon kran pen ap o drom oun van khetne.

Jesaja 41:5 ပူးပေါင်းရင်းမြစ်များ

1. Mose 10:5

Kolendar wenna i menshe, kai djiwenna an i themma pash o baro pani. Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

Debleskri gili 65:8

Tu peneh ap o diwjo pani: “Muk tele”, un ap o pani, hoi dur pre djal: “Tchip tut”, un ap koi diwji gole, hoi i menshe an wawar themma krenna: “Atch kanna!”

Debleskri gili 65:9

Un i menshenge ap i tseli phub atchell o rakepen krik glan ko baro koowa, hoi tu kral. Kotar, kai o kham pre djal bis kote, kai lo tele djal, mukeh tu halauteren te sal un bachteles te well.

Debleskri gili 66:3

Penenn ap o Debleste: Har baro hi kowa lauter, hoi tu kral. Kolla, kai tut gar kaman, hunte tchiwenn pen tele glan tute, glan tiri bari soor!

Debleskri gili 67:7

I phub mukas latcho chapen bares te well; o Dewel, maro Dewel das men bacht.

2. Mose 15:14

An i wawar themma i menshe shunan, hoi tu tire menshenge kral. I daar tapras len un jon trissan, ninna kol menshen, kai an o them Filistia djiwan.

Jesaja 41:1

O Dewel penell ap i menshende an dur themma: Atchenn, un shunenn ap mande! Awa, ap kolende an wawar themma penell lo: Lenn tumen khetne un awenn pash mande! Palle nai rakrenn. Mukenn men khetne o tchatchepen win te krell!

Jesaja 41:6

Jek rikrell pash o wawareste, un penell ap peskro phraleste: Ab soreles!

Ezekiel 26:18

Kolla, kai djiwenn ap i tikne themma hoi an o baro pani tchiddo hi, trissenn kanna ap kau diwes, kai tu khetne peral. Har bango hi le i trashatar, kai tu tele djal!

Josua 2:10

Mer shunam, har kras o baro Dewel tumenge i drom an o baro pani, hoi kharella ‘Baro Lolo Pani’, har djan dran o them Egiptia win. Shunam ninna, hoi kran tumer kol dui bare rajentsa pral i Amorarja, o Sihon un o Og, hoi ap i wawar rig o panjestar Jordan his. Tumer maran len un kran halauter paash, hoi lenge his.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.