Jesaja 41:23 - O Debleskro Drom 2021 (Sinte)

²³ Awa, kol debla mu penenn menge, hoi pal kawa well, jaake te nai dikas: Jon hi debla! Penenn lenge, te krenn le tchomone, nai well i latcho koowa, nai well i tchilatcho koowa, jaake te atchell menge o rakepen krik, un mer halauter trashas.

O Debleskro Lab 2024 (Sinte-Manouche)

²³ Ava, kol debla mou penenn menge, hoy pal kava vell, yaake te nay dikas: Yon hi debla! Penenn lenge, te krenn le čomone, nay vell i lačo koova, nay vell i čilačo koova, yaake te ačell menge o rakepen krik, oun mer halauter trashas.

Jesaja 41:23 ပူးပေါင်းရင်းမြစ်များ

Jesaja 19:12

Tu, rai pral Egiptia, kai hi tire gosewe mursha? Nai penenn le tuke, hoi o baro Dewel, ko rai pral o bolepen un i phub, kamell te krell tiro themeha?

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Jesaja 43:9

I menshe dran i tsele themma wan khetne. Kek kolendar penas glan-wi, hoi an o phuro tsiro was. Kek kolendar penas menge glan-wi, hoi kanna well. Mu sikrenn le men, koon lendar tchomone glan-wi penas, hoi tchatchepah jaake was, te shunas mer kowa un nai penah: Kawa hi tchatcho!

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Jesaja 45:3

Me dau tut brawlepen, hoi khatedo his, un kutch koowa, hoi mishto tchakedo his. Te haiwess tu, te hom me o baro Dewel, ko Dewel pral o Israel, un dom tut gole pash tiro lab.

Jesaja 46:7

Jon hadenn les ap pengri phik, un hidjrenn les trujel, un tchiwenn les pale pale ap leskri platsa. Un kote hi lo tardo, un djal fun kokres gar dureder. Dell jek gole ap leste, rakrell lo gar pale, krell peskro mui gar pre, un djal gar koi, te lell lo les win dran i bibacht.

Jeremia 10:5

Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Daniel 2:9

Tumer lan tumenge glan, te rakrenn o chochepen glan mande, bis te well o tsiro wawartchandes. Doleske penau: Te penenn tumer mange gar koi suni, palle well i phagi pral tumende lauterende. Kanna penenn mange koi suni! Palle nai djinau, te nai penenn mange ninna, hoi joi kamell te penell.”

Johanni 13:19

Me penau tumenge kowa kanna, te patsenn tumer, te wella kowa. Ap ko tsiro djinenn tumer, kai me hom kowa, koon me hom.

Bičepangre 15:18

O Dewel krell kowa kanna, hoi job glan i rah tsiro penas.”