Jesaja 41:22 - O Debleskro Drom 2021 (Sinte)

²² Anenn tumare deblen, te penenn le menge, hoi wella an ko tsiro, hoi wella. Putchenn lendar, hoi penan le glan-wi an o phuro tsiro, te dikas, te was kowa jaake. Te nai krenn le kowa gar, mukenn men kowa te shunell, hoi gomme well!

O Debleskro Lab 2024 (Sinte-Manouche)

²² Anenn t'mare deblen, te penenn le menge, hoy vella an ko tsiro, hoy vella. Poučenn lendar, hoy penan le glan-vi an o phouro tsiro, te dikas, te vas kova yaake. Te nay krenn le kova gar, moukenn men kova te shounell, hoy gomme vell!

Jesaja 41:22 ပူးပေါင်းရင်းမြစ်များ

Jesaja 41:26

Koon tumendar penas kowa glan-wi, jaake te nai djinams kawa? Koon tumendar rakras kolestar glan i tsiro, jaake te nai penams: Tchatcho hi! Kek tumendar hi koi, kai kowa glan-wi penas, kek, kai rakras kolestar. Kekestar shunam, kai rakras sawe laba.

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Jesaja 44:7

Un koon hi har me? Kowa mu dell gole un penell les un sikrell les mande! Koon mukas an o phuro tsiro glan-wi te penell, hoi wella? Mu penenn le menge, hoi wella!

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Jesaja 45:22

Tumer menshe ap i tseli phub, awenn pash mande! Un me lau tumen dran o tchilatchepen win. Me hom o Dewel un dell kek wawar har man!

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Jesaja 48:14

Awenn tumer lauter khetne, un shunenn! Kek tumare chochene deblendar penas kowa glan-wi: Me, o baro Dewel, rodom o Kirus win, te krell lo o themeha Babilonia, hoi kamau, un te sikrell lo miri soor ap kolende an o them Kaldea.

Jesaja 48:3

An o phuro tsiro penom tumenge glan-wi, hoi wella. Dran miro mui djas kowa win. Me mukom les te shunell. Un jaake sik, har jek i jaka dell, krom kowa, un lauter was jaake, har glan-wi penom.

Johanni 13:19

Me penau tumenge kowa kanna, te patsenn tumer, te wella kowa. Ap ko tsiro djinenn tumer, kai me hom kowa, koon me hom.

Johanni 16:14

Job sharell man. Halauter, hoi job penell tumenge, well mandar.