Jesaja 41:19 - O Debleskro Drom 2021 (Sinte)

¹⁹ An o mulo tato them mukau ruka bares te well: zedertikre ruka, akatstikre ruka, mirtetikre ruka un djeteskre ruka. Un o diwjo truk them well pherde subjengre ruka un wawar ruka.

O Debleskro Lab 2024 (Sinte-Manouche)

¹⁹ An o moulo tato them moukau rouka bares te vell: cedertikre rouka, akatstikre rouka, mirtetikre rouka oun djeteskre rouka. Oun o divyo trouk them vell pherde soubyengre rouka oun vavar rouka.

Jesaja 41:19 ပူးပေါင်းရင်းမြစ်များ

Jesaja 27:6

Ko tsiro wella, kai well o Jakob pale sorelo. Awa, o Israel well har i ruk, koles sorele draba hi, un senelo well, un ap koleste blume pre djan, un bud rukengre win anenn. Kolendar well i tseli phub pherdo.

Jesaja 32:15

Jaake atchell kowa bis an ko tsiro, kai tchorell o Dewel peskro ducho pral mende win. Palle well o mulo them i latcho them, kai jaake bud djob tardo hi, te dikell win har i weesh.

Jesaja 35:1

Bachteles well ko them, hoi kanna tato un mulo hi. Un o diwjo truk them sal, un lauter an leste djiwell pre un anell blume win.

Jesaja 43:19

Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

Jesaja 55:13

Kote, kai subjengre burra un subjengro senlepen bares wan, djan kanna bare senele ruka pre. Doleske well o baro Debleskro lab sharedo. Un kowa hi ninna i sikepen, te bistrell kek, te his o baro Dewel kowa, kai sau koowa kras.

Jesaja 60:13

Kutch kasht dran o shukar weesh ap i berge Libanon well pash tute anlo, te well miro kheer shukar kerdo. Un jaake sikrau, har railo kai platsa hi, kai tardo hom.

Jesaja 60:21

Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Jesaja 61:11

Jaake har mukell i phub o senlepen pre te djal, un bares te well, jaake mukell o baro Dewel, maro rai, o tchatchepen pre te djal, un maro sharepen bares te well pash i menshende an i tsele themma.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Ezekiel 47:12

Ap kol dui rigja o lengsto panjestar hi ruka tardo. Kolla hi o tselo bersh senelo, un hidjrenn hako tsiro rukengre. Hako tchon wenn newe rukengre bares. Ko lengsto pani, kolestar jon pani lenn, well win dran o Debleskro kheer. Lengre rukengre hi o chapaske. Un lengre patria krenn i nasselen sasto.

Hosea 14:8

Un me hom lenge har i ruk, kai leskre mussja pral lende rikrell, un tel koleste jon beshdo hi. Un lenge well djob pale bares. Un jon wenn har i drakengro ruk, koles bud bud drake hi. Latches well pral lende rakedo, har pral koi mool dran o Libanon.

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.