Jesaja 41:14 - O Debleskro Drom 2021 (Sinte)

¹⁴ Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

O Debleskro Lab 2024 (Sinte-Manouche)

¹⁴ Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 41:14 ပူးပေါင်းရင်းမြစ်များ

Hiob 19:25

Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

Hiob 25:6

Te dikell lo ap i mensheste, hi kowa glan leste gar budeder har i kiri un i kirmo!

Debleskri gili 19:14

Muk man gar khetne kolentsa te djal, kai hi pre-phurde, te tserdenn le man gar ap lengri rig. Jaake well kek doosh ap mande, un me krau kek baro tchilatcho koowa.

Debleskri gili 22:6

Ap tute dan le gole, un tu lal len win. Ap tute dikan le, un tu mukal len gar kokres.

Debleskri gili 46:5

Latcho djudjo pani nashella an o Debleskro foro, kai o Dewel pral halauter djiwell un leskro kheer hi, Ko pani krell ko fores bachtelo.

Debleskri gili 78:35

Un lenge was an o shero, te hi o Dewel kowa, kai rikrell len, un kai job, o Dewel pral halauter, kowa hi, kai len win lell dran o merepen.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jesaja 37:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!”

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 43:14

O Israeleskro Dewel hi o baro Dewel, kai tumen dran o pandepen win lell, un penell: Tumenge, kai an o them Babilonia han, bitchrom jekes koi, te anell lo tumen, kai pandle han, win. Un kol Babilonarja, kai kanna i bachteli gole denn, rowenna palle.

Jesaja 43:3

Me, o baro Dewel, hom tiro Dewel. Me, o Israeleskro Dewel lau tut win dran o merepen. Me dau lenge o them Egiptia, te ginap tut win. I themma Etiopia un Seba dau koi pashel.

Jesaja 44:22

Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 47:4

Kowa penell o Israeleskro Dewel, kai kokres ko tchatcho Dewel hi, un kai lell o koowa peskre menshendar an peskro wast. Leskro lab hi ‘baro Dewel, rai pral o bolepen un i phub’.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 54:8

Har miri choli pral keras, rissrom me man tutar tele i tikno tsireske. Miro latchepen tuke herell gar pre. Doleske krau miro dji tuke bares pre, penell o baro Dewel, kowa kai tut dran o pandepen win lell.

Jesaja 59:20

O baro Dewel penell: Mire menshenge an o foro Zion wau, te lap len dran o merepen win. Kolenge dran o kheer Jakob wau, kai mukan pengro tchilatcho drom.

Jesaja 60:16

Tu leh o brawlepen i menshendar dran wawar themma un kutch koowa lengre rajendar. Palle haiweh, te hom me, o baro Dewel, kowa, kai las tut win dran o pandepen, te hom me, o Israeleskro sorelo Dewel, kowa, kai tuke plaissras.

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

Jeremia 46:27

Tu, miro budepaskro Jakob, ma traash! Tu, Israel, ma rob! I diwes well, kai anau tut khere dran wawar themma. Lau tire tchawen win dran ko them, kai le pandles anlo wan. O Jakobeskre tchawe wenn pale, un nai djiwenn pale kek kurepah un kek darjah. Kek te krell lenge traash.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Ropaskre gilja 3:57

Har kharom tut goljah, wal tu pash mande, un penal: “Ma traash buder gar!”

Daniel 10:12

Un job penas ap mande: “Daniel, ma dare! O Dewel shunas tire laba fun o ersto diwes an, har kamal tiro tselo djijeha o dikepen te haiwell, un tut tiknes kral glan tiro Debleste. Un kol labenge, hoi tu rakral, wom me.

Hosea 11:9

Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.

Mateo 7:14

Tikno hi ko wudar un gar buchlo hi ko drom, kai i menshe hatsenn o djipen. Un gar bud hi kolla, kai ap ko drom djana.

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

5. Mose 7:7

Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Josua 17:18

Kol berge, kai o weesh hi, wenn tumenge, jaake dur har o weesh hi. Tumer nai denn i ruka tele, un nai djiwenn koi. Un ninna i Kanaanitarjen nai tradenn win dran o them. Tumer wenn sorleder har jon, ninna te hi len sasterne kurepangre wurdja.”

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.