Jesaja 40:30 - O Debleskro Drom 2021 (Sinte)

³⁰ Ninna terne menshe wenn khino un nashrenn pengri i soor, un terne kurepangre perenn, te hi len kek soor buder.

O Debleskro Lab 2024 (Sinte-Manouche)

³⁰ Ninna terne menshe venn khino oun nashrenn pengri i zoor, oun terne kourepangre perenn, te hi len kek zoor bouder.

Jesaja 40:30 ပူးပေါင်းရင်းမြစ်များ

Debleskri gili 33:16

I baro rai bud lurdentsa well gar dran peskri soor o sorleder an o kurepen. Un i tchatcho mursh, koles bud soor hi, well gar dran peskri soor win lino dran o kurepen.

Debleskri gili 34:10

Tumer, kai o baro Debleskre menshe han, djiwenn leha! Kolen, kai djiwenn leha, hi lauter o djipaske.

Debleskri gili 39:5

Baro Dewel, sike mande, har sik o djipen trujel hi, un kai miro merepen wella, te djinap, te nai atchau gar hako tsiro kai.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 13:18

I terne murshen denn le karje mulo pengre bogentsa. Un len hi kek dji i tikne tchawenge; i tchawe khaitenn len gar.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 48:15

O them Moab well paash dino, un leskre forja wenn dren lino. Leskre feteder lurde djan win, te kurenn le pen, un wenn maredo. Kowa penell o baro rai, kai kharell ‘baro Dewel, ko rai pral o bolepen un i phub.’

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.