Jesaja 40:22 - O Debleskro Drom 2021 (Sinte)

²² Job hi kowa, kai hi o rai pral i tseli phub. Un kolla, kai ap i phub djiwenn, hi glan leste har stepangre. Job hi kowa, kai tchiwas o bolepen pral i phub har i buchli plachta, har te krell jek i plachteno kheer, te nai djiwell lo dren.

O Debleskro Lab 2024 (Sinte-Manouche)

²² Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

Jesaja 40:22 ပူးပေါင်းရင်းမြစ်များ

1. Mose 1:6

Un o Dewel penas, te well o bolepen, un pani koi pral un pani koi tel. Un jaake was kowa.

Hiob 22:14

Job nashell kote, kai o bolepen un i phub khetne wenn, un pesse wolke hi trul leste, jaake te nai dikell lo tchi.”

Hiob 26:7

O Dewel kras o bolepen buchles pral kowa, kai tchi hi, un pandas i phub kote pre, kai tchi hi.

Hiob 36:29

Jaake dell lo lenge budeder har doha te chal. Kek nai haiwell, har o Dewel i wolken ap o bolepen tchiwas, un har well koi bari gole dran leskro bolepaskro kheer, te dell i jag ap o bolepen karje trul leste trujel. O telstunepen o baro panjestar atchell an o tamlepen.

Hiob 37:18

nai kreh tu o bolepen buchles pral i phub, har job kowa kras, te well o bolepen soreles har i dikepaskri?

Hiob 9:8

Job kokres kras o bolepen buchles pral i phub, un djal pral o baro pani.

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 18:11

Un job beshas ap i cherub un hadas pes har i tchirklo; awa, job mukas pes te hidjrell ap i mussja o duchestar.

Debleskri gili 19:4

Kek labentsa rakrenn le. Un lengri gole well gar shunlo.

Debleskri gili 2:4

O Dewel, kai an o bolepen beshdo hi, sal pral lende un lengro dinelo rakepen.

Debleskri gili 29:10

O baro Dewel hi beshdo pral i panja. O baro Dewel hi o baro rai hako tsireske.

Debleskri gili 68:33

Tumer themma ap kai phub, giwenn o Debleske, bashrenn leske, maro rajeske!

Gosewe laba 8:27

Me homs pashel, har kras lo o bolepen un koi platsa, kai dikell win, har te wans o bolepen un o baro pani kote khetne.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 37:16

“Baro Dewel, tu rai pral o bolepen un i phub, tu hal o Israeleskro Dewel, un hal pral i bolepangre beshdo. Tu kokres hal o Dewel pral i tsele themma ap kai phub. Tu kral o bolepen un i phub.

Jesaja 40:15

Dik, i menshe dran wawar themma hi leske gar budeder moldo har o pani, hoi ap o khoro tele nashell, un har i stauba, hoi ap i waga tchiddo atchas. Dik, i tikne themma an o baro pani hidjrell lo pre, har te wans le i wast pherdo tchik.

Jesaja 40:17

I tsele themma hi har tchi glan leste, un hi leske tchi moldo jaake har te wans le gar.

Jesaja 42:4

Leske kokres djal gar i soor krik, un job phagell witar gar khetne, bis te kras lo, te djiwenn i menshe ap i tseli phub pal o tchatchepen. Un i menshe an dur themma dikenn ap leste, te sikrell lo len peskro drom.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

4. Mose 13:33

Mer dikam kote ninna i Nefilim, kai hi bare menshe. Lengro phuro dad hi o Anak. Mer hams an mare jaka har stepangre, un jaake hams ninna an lengre jaka.”