Jesaja 40:11 - O Debleskro Drom 2021 (Sinte)

¹¹ Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

O Debleskro Lab 2024 (Sinte-Manouche)

¹¹ Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 40:11 ပူးပေါင်းရင်းမြစ်များ

1. Mose 33:13

Penas o Jakob: “Miro rai, tu djineh, kai i tchawe tikno hi. Pash mande hi ninna grumja un bakre, kai len terne hi. Te nashens jon hunte jek diwes sik, merans i tsele vieche.

1. Mose 49:24

his leskro bogo soreles an leskro wast, un leskre mussja his soreles kerdo, o Jakobeskro sorelo Dewel das les soor. Job dell garda ap o Israel har i bakrengro ap peskre bakre, un dell len gar pre.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 27:10

Te mukenn man miro dad un miri dai, leh tu, baro Dewel, man pash tute pre.

Debleskri gili 28:9

Ab ap i rig tire menshenge! Tchip tiri soor un tiri bacht ap mende, kai tiro ham! Ab hako tsiro har i bakrengro menge, kai dell jak ap peskre bakrende un dell len lauter, hoi len hunte well djipaske!

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Jesaja 42:3

I an-phagedo shilftikro khass, phagell lo gar tele, un i momeli hoi gomme i tikni jagah chatchell, koja krell lo gar win. Tchatchepah, job krell, te lell hakeno peskro tchatchepen.

Jesaja 63:11

Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 31:8

Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Ezekiel 34:15

Me kokres hom lengro bakrengro, un anau len kote, kai le pen tele nai tchiwenn kek darjah. Kawa penell o baro Dewel, maro rai.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 34:2

Tu, mensho, pen i pralstunenge pral Israel glan-wi, hoi pral lende wella! Pen lenge: Kawa penell o baro Dewel, maro rai: Djungeles djal tumenge! Tumer han i bakrengre mire menshenge, un hunte anans i Israelitarjen har bakre kote, kai hatsenn le latcho senlepen. Kowa krenn tumer gar. Tumer dikenn kokres ap tumende, te djal tumenge mishto.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Zakarie 11:7

Un kol parepangre, kai ginan un bikran i bakre, dan man koi budi, te dap jak ap kol bakre, kai maredo wenn. Un me lom dui kashta: Ko jekes kharom ‘latchepen’ un ko wawar ‘harmenatsjona’. Un me dom garda ap kol bakre.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.

1. Petro 5:4

Un ap ko diwes, kai well o pralstuno bakrengro, lenn tumer leskro railepen, hoi atchella hako tsireske.

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.