Jesaja 40:10 - O Debleskro Drom 2021 (Sinte)

¹⁰ Dikenn, o baro Dewel, maro rai, well bari sorjah. Un job hi o rai pral halauter. Kolen, kai job win las dran o pandepen, hi pash leste. Awa, kolen, kai job peske ginas, djan leske glan win.

O Debleskro Lab 2024 (Sinte-Manouche)

¹⁰ Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 40:10 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

Debleskri gili 110:6

un job o tchatchepen win rakrella, un an hake themma bud menshen i phagi della. Palle hi bud menshe mulo tchiddo ap o buchlo them. Bud pralstune wenn khetne dino.

Debleskri gili 66:3

Penenn ap o Debleste: Har baro hi kowa lauter, hoi tu kral. Kolla, kai tut gar kaman, hunte tchiwenn pen tele glan tute, glan tiri bari soor!

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 33:2

Baro Dewel, ab latches menge! Ap tute dikah. De men soor hako diwes! An ko pharo tsiro le men win dran i bibacht!

Jesaja 49:4

Mange was kowa wawartchandes glan. Un me penom: Tchatchepah, his tchitcheske koi phari budi, hoi ap mande lom. Dom tchitcheske miri tseli soor kolake. Djinau, miro tchatchepen hi pash o baro Debleste, un kowa, hoi lau koleske, hoi krom, well miro Deblestar.

Jesaja 51:5

O tsiro, kai miro tchatchepen well, hi gar dur. Un ko diwes well sik, kai lau tumen win dran o tchilatchepen. Un me wau o tchatchepaskro rai pral i wawar themma. I menshe, kai djiwenn pash o baro pani, dikenn ap mande, te lap o kurepen krik.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Jesaja 59:15

Jaake meras o tchatchepen, un ko mensho, kai kamell tchi o tchilatchepastar te djinell, well win randedo. O baro Dewel dikas kowa lauter, un leske his djungeles, te dell kek tchatchepen buder.

Jesaja 59:16

Un bare jakentsa dikell lo, te hi kek mursh koi, kai koi djal, te well lo kolenge ap i rig, kai tele rikedo hi. Kote was lo kokres peskri sorjah, un peskro tchatchepen was leske pash o wast.

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jesaja 62:11

Dikenn, o baro Dewel mukell kal laba te shunell ap i tseli phub: Penenn i menshenge an o foro Jerusalem: Kowa, kai lell tumen win dran o tchilatchepen, hi ap o drom. Kolen job peske khetne anas, kolla hi pash leste. Awa, kolen job peske ginas, kolla djan glan leste.

Jesaja 63:5

Me dikom man trujel, un kek his koi, kai ap miri rig his. Un kamom les gar te patsell, te rikrals kek pash mande. Koi kras man miri choli soreles.

Jeremia 31:16

Kanna penell o baro Dewel: Muk tiri gole un tiro ropen! Khosse tire swa! Kowa, hoi kral tire tchawenge, his gar tchitcheske, penell o baro Dewel. Jon wenn pale pale dran o them, kai wan le tele rikedo.

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Johanni 12:13

Koi lan le patria, kai phagan le tele, un djan dran o foro pash leste, un dan gole: “Sharas o Debles! Sharedo well kowa, koles o Dewel bitchras, o baro rai pral Israel!”

Johanni 12:15

“Tumer menshe an o foro Jerusalem, ma darenn! Tumaro baro rai wella un hi beshdo ap i terni esla.”

Hebrearja 2:14

Jon hi menshe dran rat un mass. Doleske was lo ninna i mensho har jon, un meras, te las lo o bengeske i soor krik pral o merepen.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Debleskro tsiro 22:12

Dik, me wau sik, un dau hakenes pal kowa, hoi job kras.