Jesaja 40:1 - O Debleskro Drom 2021 (Sinte)

¹ “Rakrenn latches mire menshentsa, un khossenn lengre swa”, penell tumaro Dewel.

O Debleskro Lab 2024 (Sinte-Manouche)

¹ “Rakrenn lačes mire menshentsa, oun khossenn lengre sva”, penell t'maro Devel.

Jesaja 40:1 ပူးပေါင်းရင်းမြစ်များ

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Debleskri gili 85:3

Tu lal o tchilatchepen, hoi tire menshe kran, lendar krik! Lengri tseli doosh bistral tu.

Debleskri gili 85:8

Baro Dewel, ab menge latches, un kre lauter menge pale mishto!

Sikepaskro 3:4

O ropaske hi jek tsiro, un o sapaske hi jek tsiro. Dell tsirja, kai rowell maro dji, un wawar tsirja, kai khelah i bachtjatar.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 3:10

I bacht well ap kolende, kai an o tchatchepen tardo hi! Un lauter djal lenge mishto. Ko latcho koowa, hoi le kran, well ap lende pale.

Jesaja 41:27

Me homs o glanstuno, kai penom ap i menshende ap i berga Zion: Dikenn, kote wenn le. Un me bitchrom i bitchepaskres an o foro Jerusalem, te penell lo lenge kal laba.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Jesaja 60:1

Ste pre, Jerusalem, ab railo har o kham! I newo diwes well tuke, un o Debleskro railepen djal pre pral tute.

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Ezekiel 16:42

Palle djal miri tati choli pral tute krik, un miro dji dukrell man buder gar, un hom buder gar chojedo pral tute.

Zakarie 1:13

Un o baro Dewel rakras latche un kamle laba ap peskro bolepaskro.

Zakarie 1:17

De pale gole: Kowa penell o baro Dewel, ko rai pral o bolepen un i phub: “An mire forja well pale budeder har doha latchepen. Un o baro Dewel rakrell pale latche laba ap i menshende ap i berga Zion. Un o foro Jerusalem well pale leskro wi-rodedo foro.”

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

2. Korintarja 1:4

Ninna te well bud pharo koowa ap mende, hi lo pash mende un krell mare djia soreles, te penas mer kolenge latche laba, ap kolende ninna pharo koowa wella, te wenn jon pale soreles, jaake har kras o Dewel mare djia soreles.

1. Tessalonikarja 4:18

Te dell jek o wawareste soor kal labentsa!