Jesaja 4:1 - O Debleskro Drom 2021 (Sinte)

¹ Ap ko tsiro taprenn efta djuwja jek murshes un penenn: Mer kamah kokres maro chapen un mare ripja te ginell. Romedine men, te well i ladj mendar krik lino!

O Debleskro Lab 2024 (Sinte-Manouche)

¹ Ap ko tsiro taprenn efta djouvya yek morshes oun penenn: Mer kamah kokres maro rhapen oun mare ripya te ginell. Romedine men, te vell i ladj mendar krik lino!

Jesaja 4:1 ပူးပေါင်းရင်းမြစ်များ

1. Mose 30:23

Joi was an wawar koowa un anas i tchawes ap i phub un penas: “O Dewel las miri ladj mandar krik.”

2. Samuel 6:23

Un i Michal, o Sauleskri tchai, kolat his kek ternepen an peskro tselo djipen.

Jesaja 10:20

I tsiro wella, kai atchan buder gar bud menshe pral an Israel. Kolla, kai hi gomme djido o Jakobeskre tchawendar, rikrenn pen palle buder gar ap kolende, hoi len dawa dan. Na-a, kolla rikrenn pen palle ap o baro Debleste, kai o Israeleskro Dewel hi, un mukenn lestar gar buder tele.

Jesaja 13:12

Me krau, te atchenn gar bud menshe djido. Tu hunte rodess budeder, te hatsess jek menshes, har te rodeh pal latcho sonakai. Awa, hi phareder te hatsess menshen har te hatsess o sonakai dran Ofir.

Jesaja 17:7

Ap ko diwes dikenn i menshe ap koleste, kai len kras. Kowa hi o Israeleskro Dewel.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 3:6

Palle taprell jek peskro phrales an peskro dadeskro kheer un penell ap leste: “Tut hi i baja ap tute, tu wess maro pralstuno an kau pharo tsiro.”

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Louka 1:25

“O Dewel dikas latches ap mande un kras, te well man i ternepen ap ko tsiro, har job kamas, un las miri ladj mandar krik.”

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

2. Tessalonikarja 3:12

Kolenge penah mer an o lab maro rajestar, o Jesus Kristestar, te budrenn le, te nai ginenn le penge, hoi len hunte well djipaske.

1. Samuel 1:6

Un i Peninna, koi wawar romni, rodas, har te dukrell li lat, un kras lat i labentsa tele, doleske, kai nashte lell li kek tchawe.