Jesaja 38:3 - O Debleskro Drom 2021 (Sinte)

³ “Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

O Debleskro Lab 2024 (Sinte-Manouche)

³ “Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Jesaja 38:3 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

1. Rajengro liil 15:14

Ninna te atchenn kol bud mulne platse tardo, rikras pes o Asa ap o baro Debleste peskro tselo djijeha, jaake rah har job djiwas.

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

2. Rajengro liil 18:3

Un job kras, hoi glan o baro Debleskre jaka mishto hi, har leskro phuro dad, o David, ninna kras.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

1. Familjakro liil 29:9

Un i tsele menshe his bachtelo, kai dan lengre pralstune jaake bud kutch koowa dran pengro wast pengro tselo djijeha o baro Debleste. Un ninna o baro rai David his bachtelo pral kowa,

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

2. Familjakro liil 25:2

O Amazja kras, hoi mishto his glan o baro Debleskre jaka, ninna te rikras lo gar peskro tselo djijeha ap leste.

Esra 10:1

Un har o Esra glan o Debleskro kheer ap peskre tchanga tchiddo his, un ropah o Debleha rakras un koi tseli doosh win rakras, wan bud menshe dran Israel trul leste trujel, mursha, djuwja un tchawe; un jon halauter rowan soreles.

Nehemia 1:4

Un har me kol laba shunom, beshom man koi un rowom an bari duk budeder diwessa. Un me chom tchi, un mangom o Debles an o bolepen,

Nehemia 13:14

Dik, hoi kai krom, miro Dewel! Ma biste ko latchepen, hoi krom ap tiro kheer, te well koi budi an leste mishto kerdo.

Nehemia 13:22

Un me penom ap i Levitarja, te krenn le pen djudjo o Debleske. Palle te wenn le pash o foreskre wudja un denn koi jak, te well o Debleskro diwes dren rikedo. Ninna kawa biste mange gar, miro Dewel. Un dik latches ap mande an tiro baro kamlepen.

Nehemia 13:31

Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

Nehemia 5:19

Ma biste kowa mange, miro Dewel, hoi lauter kol menshenge krom!

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Debleskri gili 102:9

Hako diwes sanenn kolla pral mande, kai kamenn mange tchilatchepen, un praassenn man.

Debleskri gili 119:80

Muk miro dji ap tiro drom te atchell, te krap, hoi mandar kameh, jaake te hunte ladjap man gar.

Debleskri gili 16:8

Miro baro Dewel hi man hako tsiro glan mire jaka. Job te hi ap miri tchatchi rig, nai hom me soreles tardo.

Debleskri gili 26:3

Tiro latchepen hi glan mire jaka, un me djiwau miro djipen an tiro tchatchepen.

Debleskri gili 32:2

Bachtelo hi ko mensho, koneske o baro Dewel i doosh gar glan-rikrell, un an koleste kek chochepen hi.

Debleskri gili 6:6

Te hom mulo, nai sharau me tut buder gar. Pash i mulende parkrenn le pen gar pash tute.

Debleskri gili 6:8

Me dikau buder gar mishto, – jaake pharo hi miro dji. Mire jaka hi pesso o ropastar kol budenge, kai mange o djipen phares krenna.

Jesaja 38:2

O Hiskija rissras pes o mujeha ap i massuri, un mangas o baro Debles un penas:

Jesaja 38:4

Kote penas o baro Dewel ap o Jesaja:

Hosea 12:4

Har lo an o per peskri datar his, chochras lo peskro phrales. Un har lo i mursh was, kuras lo pes o Debleha.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

5. Mose 6:18

Te krenn, hoi tchatcho un latcho hi glan leskre jaka, djal tumenge mishto. Un tumer wenn dren an ko latcho them, kolestar o baro Dewel tumare phurenge penas, te tradell lo kolen glan tumende kote win, kai tumen gar kamenn. Un job das ninna peskro wast koi pre.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.