Jesaja 38:16 - O Debleskro Drom 2021 (Sinte)

¹⁶ Rai, dran tire laba djiwenn i menshe. Un dran lende djiwau me ninna. Kre tu man sasto! Un rike man djido!

O Debleskro Lab 2024 (Sinte-Manouche)

¹⁶ Ray, dran tire laba djivenn i menshe. Oun dran lende djivau me ninna. Kre tou man sasto! Oun rike man djido!

Jesaja 38:16 ပူးပေါင်းရင်းမြစ်များ

Debleskri gili 119:25

An i tchik hom witsedo. De man pale newi soor jaake har tu mange penal!

Debleskri gili 119:71

His mishto mange, te dal man i phagi, te shunap ap tute un krau hoi tu mandar kameh.

Debleskri gili 119:75

Baro Dewel, me djinau, tu te deh i phagi, djah tu pal o tchatchepen. Tuke his tchatcho har dal man i phagi.

Debleskri gili 30:3

Miro baro Dewel, har dom gole ap tute, kral tu man sasto.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Jesaja 64:5

Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

Mateo 4:4

Penas o Jesus: “An o Debleskro lab hi tchinlo: O maro kokres rikrell i menshes gar djido. Job djiwell dran hako lab, hoi o Dewel rakrella.”

1. Korintarja 11:32

Te lah mer i phagi o Deblestar, palle krell job kowa, te djas mer gar khetne i wawar menshentsa nashedo.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.