Jesaja 38:12 - O Debleskro Drom 2021 (Sinte)

¹² Tele phagedo hi miro djipen, har o plachteno kheer i bakrengro murshestar, kai dureder djal. Tele tchinlo hi miro djipen har i thab dran i kotar than. Diwes un rati mukeh tu man te haiwell, te hi mantsa trujel.

O Debleskro Lab 2024 (Sinte-Manouche)

¹² Tele phagedo hi miro djipen, har o plarhteno kheer i bakrengro morshestar, kay doureder djal. Tele činlo hi miro djipen har i thab dran i kotar than. Dives oun rati moukeh tou man te hayvell, te hi mantsa trouyel.

Jesaja 38:12 ပူးပေါင်းရင်းမြစ်များ

Hiob 14:2

Har i bluma well lo baro un merell tele. Jaake har i shatto, hoi well buder gar diklo, te djal o kham tele, hi lo buder gar.

Hiob 17:1

Man hi buder kek soor. miro djipen hi trujel. Ap mande lurell o handako.

Hiob 4:20

An i tsalla djal lenge mishto, un rati merenn le, un hi buder gar koi. Un kek dell jak pre.

Hiob 6:9

Har kamoms, te wals leske shukar, te dell lo man mulo, te lell lo miro djipen mandar.

Debleskri gili 119:23

I raja hi khetne beshdo, un rakrenna, har te krenn le mange tchilatchepen. Me hom tiro budepaskro un bistrau gar, hoi tu mandar kameh.

Debleskri gili 31:22

Baro Dewel, parkrau man pash tute. Tu sikral tiro baro latchepen ap mande, har homs har i foro, trul koleste bud lurde tarde his.

Debleskri gili 73:14

Man hi duka hako diwes, haki tsalla haiwau tire dawa.

Debleskri gili 90:5

Har i lengsto pani sik dureder nashell, jaake mukeh mare diwessa dureder te nashell. Maro djipen hi tikno har i sopen. Mer ham har i senlepen, hoi taissarlakro dran i phub well,

Jesaja 1:8

Kokres o foro Jerusalem atchas pral, i foro trul koleste i lurde tardo hi. Ko foro hi kokres har i tikno kheer an i drakengro them, har i kheer, kai jek jak dell an i rati ap kowa, hoi ap peskri phub bares well.

Jesaja 13:20

Kek djiwell buder an ko foro kek tsireske, un kek mukell pes buder kote tele. Kek Arabari tchiwell kote peskro plachteno kheer pre. Un kolla, kai denn jak ap i bakre, mukenn kolen gar kote te chal.

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

2. Korintarja 5:4

Jaake rah, har djiwah ap kai phub, hi menge ropaske un men hi duka. Mer kamah ko phuro trupo gar tele te tchiwell, kamah budeder ko newo trupo an-riwell, hoi buder gar merella.

Hebrearja 1:12

Tu tchiweh len khetne, har jek i phuri plaashka khetne tchiwella, un i newi plaashka ap peste tchiwella. Tu atcheh jaake, har tu hal, un mereh gar.

Jakobo 4:14

Jaake rakrenn tumer un djinenn gar, hoi taissar hi! Tumaro djipen hi har i ducho, hoi atchella gar. Tumer han i tikno tsiro djido. Un ap jek kopo han tumer buder gar koi.