Jesaja 32:6 - O Debleskro Drom 2021 (Sinte)

⁶ Ko dinelo mensho rakrell dinlepen. Un an leskro dji hi djunglepen. Job rakrell dui tchipjentsa, un kowa, hoi lo pral o baro Debleste penell, hi gar tchatcho. Kolen, kai bokenna, dell lo tchi te chal, un kolen, kai trush hi, mukell lo gar te pijell.

O Debleskro Lab 2024 (Sinte-Manouche)

⁶ Ko dinelo mensho rakrell dinlepen. Oun an leskro dji hi djounglepen. Yob rakrell douy čipyentsa, oun kova, hoy lo pral o baro Debleste penell, hi gar čačo. Kolen, kay bokenna, dell lo či te rhal, oun kolen, kay troush hi, moukell lo gar te piyell.

Jesaja 32:6 ပူးပေါင်းရင်းမြစ်များ

Debleskri gili 141:4

Muk miro dji gar o tchilatchepen palla te dell, te krap gar midjak koowa khetne i tchilatchentsa. Muk man gar te chap lengro shukar chapen!

Gosewe laba 19:3

O mensheskro dinlepen anell les ap i drom, kai nashrell lo pes. Un palle dell lo o baro Debleste i doosh.

Gosewe laba 24:7

I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 26:10

Te kreh latchepen i tchilatchenge, dikenn jon gar, hoi tchatchepen hi. Ninna an o them, kai djan halauter pengre dromma pal o tchatchepen, djan i tchilatche dureder ap pengre bange dromma, un dikenn gar tiro barepen, baro Dewel.

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 31:2

Ninna job hi gosewo un djinell hoi lo krell. Job bitchrell i bibacht, un lell gar peskre laba pale, kolentsa job len trad das. I tchilatchen dell lo i phagi un ninna kolen, kai lenge ap i rig wan.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 13:23

Nai krell i kalo mensho peskri kali hauta wawartchandes? Na-a! Nai krell i diwji margodja peskre balla wawartchandes? Na-a! Jaake nai krenn tumer kek latchepen, ko tchilatchepen djas tumenge an o mass un o rat.

Ezekiel 34:18

hi gar doha, te chan o latcheder senlepen? Hoske stakrenn o wawar senlepen tumare herjentsa khetne? Hi gar doha, te pijenn o djudjo pani? Hoske stakrenn koi dren un krenn les tchiklo?

Daniel 12:10

I djia bud menshendar wenn djudjo kerdo un wenn thodo, har sonakai an i jag thodo well. Un i tchilatche krenn dureder o tchilatchepen. un haiwenn kau koowa gar. Kokres kolla, kai o Debleskro drom prindjrenna, haiwenn ninna kau koowa.

Amos 8:6

Ninna ko phuss, hoi o djobestar pral atchas, bikrah, har te wals lo djob. I tchorwele, kai nai plaissrenn gar pengri sijaan, kolen ginah menge, te budrenn le menge, ninna te hi lengri sijaan gar bareder har dui kircha.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

1. Samuel 24:13

O baro Dewel mu well o tchatchepaskro rai mank mende dujende! Job dell tut pale, hoi tu ap mande kral! Miro wast taprell tut gar an!