Jesaja 32:2 - O Debleskro Drom 2021 (Sinte)

² Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

O Debleskro Lab 2024 (Sinte-Manouche)

² Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 32:2 ပူးပေါင်းရင်းမြစ်များ

Debleskri gili 143:9

Baro Dewel, le miro djipen win dran i wasta kolendar, kai ap mande djan. Pash tute wau, te khatrap man.

Debleskri gili 32:7

Pash tute nai khatrau me man, glan kowa, hoi mange daar krell. Doleske sharau tut i bachtelo djijeha pral kowa, har tu man win lal dran i bibacht.

Debleskri gili 63:1

I gili o Davidestar. Job kras kai gili an o mulo tato them Juda.

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 16:3

Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Jesaja 28:17

An miro kheer djiwell o tchatchepen, un mire menshende dau tchatchepaskre laba. Sorelo brishin, kai brishineskre barra dren hi, dell palle o chochepen paash, ap koleste tumen rikrenn. Un panja hidjrenn tumaro khatepen krik.

Jesaja 41:18

Me mukau pani i berge tele te nashell, un pani dran i phub te well an o telstuno them. Me krau o mulo them te well lestar i them, kai panja nashenna, un dran ko truk them krau i panjeskro them.

Jesaja 43:19

Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Jesaja 43:20

Mire wi-rodede menshenge dau pani an o mulo them, awa, lengste sorele panja an o tato them. Doleske sharenn man i diwje vieche, ninna i diwje djukle un bare diwje tchirkle.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 33:14

Tchatchepah, penell o baro Dewel, ko tsiro wella, kai mukau ko latcho lab tchatches te well, hoi me penom ap o khereste Israel un ap o khereste Juda.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Debleskro tsiro 22:1

Un job sikras man o baro lengsto pani, hoi djudjo hi har i djudji wali. Ko pani dell o djipen un well kotar, kai hi o beshepaskro o Deblestar un o terno bakrestar.