Jesaja 32:10 - O Debleskro Drom 2021 (Sinte)

¹⁰ An jek bersh trissenn tumer i darjatar, tumer, kai kanna patsenn, te djal lauter mishto tumenge. Kek moljakre drake nai anenn dren. Un tchi wawar was baro, te nai lenn les khetne un anenn les dren.

O Debleskro Lab 2024 (Sinte-Manouche)

¹⁰ An yek bersh trissenn t'mer i daryatar, t'mer, kay kanna patsenn, te djal lauter mishto t'menge. Kek molyakre drake nay anenn dren. Oun či vavar vas baro, te nay lenn les khetne oun anenn les dren.

Jesaja 32:10 ပူးပေါင်းရင်းမြစ်များ

Jesaja 16:10

O gipen un o sapen well buder gar shunlo tel i ruka an i baar. An o drakengro them dell buder kek gole i bachtjatar. Kek mool well kerdo. Kek gipen well shunlo.

Jesaja 7:23

Un an ko tsiro well jaake: Kote, kai kanna i seri drakengre ruka tardo hi, hoi khetne jek sero rupene beme moldo hi, kote hi palle subjengre burra un subjengro senlepen tardo.

Jeremia 8:13

Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Hosea 2:12

Glan lakre pirnengre jaka riwau lat nanges win. Un kek nai lell lat dran miro wast win.

Hosea 3:4

Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

Joel 1:12

I drakengre ruka hi truk. i faigetikre ruken hi buder kek patria. Ninna ap i phabjengre ruka un palmtikre ruka, har ap i tsele diwje ruka hi buder kek patria. Un dran o bachtelo tsiro was i menshenge i bibachtelo tsiro.

Joel 1:5

Stenn pre, tumer mate, un rowenn! Denn gole, tumer pipangre! Rowenn trul i moljake, hoi was krik lino tumare mujendar.

Joel 1:7

Tchi hi buder ap mare drakengre ruka, kek patria hi buder ap mare faigetikre ruka. Ninna lengro kasht hi nango un parno, lauter hoi ap lende his, chan le tele.

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Zefanja 1:13

Lengro brawlepen well randedo, un lengre khera khetne dino. Jon krenn penge khera un djiwenn gar koi dren, un tchiwenn drakengre ruka an i phub, un pijenn kek mool kolendar.