Jesaja 30:2 - O Debleskro Drom 2021 (Sinte)

² Mandar putchenn le gar, hoi te krenn le. Na-a, jon djan tele pash i Egiptarjen, te mangenn le o rajestar Farao, te well job ap lengri rig, un te rikrell lo peskre wasta pral lende.

O Debleskro Lab 2024 (Sinte-Manouche)

² Mandar poučenn le gar, hoy te krenn le. Na-a, yon djan tele pash i Egiptaryen, te mangenn le o rayestar Farao, te vell yob ap lengri rig, oun te rikrell lo peskre vasta pral lende.

Jesaja 30:2 ပူးပေါင်းရင်းမြစ်များ

1. Rajengro liil 22:7

O Josafat penas: “Hi kate buder kek rakepaskro o baro Deblestar, te putchas lestar, hoi o Dewel kamell.”

2. Rajengro liil 17:4

Pal i tsiro bitchras o Hoshea bitchepangre pash o baro rajeste pral o them Egiptia, – leskro lab his So – te krell lo pes koleha khetne. Un o Hoshea bitchras buder kek rup un sonakai o baro rajeste pral o them Assur. Har kowa kau koowa shunas, mukas lo les te taprell un witsras les an o stilepen.

2. Rajengro liil 18:21

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia lauterenge, kai leske patsenna.

Jesaja 16:3

Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

Jesaja 18:1

Djungeles djal o themeske Etiopia, ko themeske pash i bare lengste panja, kai jaake bud stepangre hi.

Jesaja 36:6

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia, lauterenge, kai leske patsenna.

Jesaja 36:9

Har kameh tu jek kol tikneder lurdendar miro rajestar pale te tradell. Tu rikreh tut kokres ap i Egiptarja un patseh, te bitchrenn le tuke kurepangre wurdja un klissepangre.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

Jeremia 21:2

“O Nebukadnezar, ko baro rai pral Babilonia was, te kurell lo pes mentsa, un hi peskre lurdentsa trul o foro Jerusalem tardo. Mange menge o baro Deblestar! Te kamell job, nai well lo menge peskri bari sorjah ap i rig, har job kowa budeder kope kras, jaake te hunte tserdell pes o Nebukadnezar pale.”

Jeremia 37:5

An ko tsiro djan i lurde o Faraestar dran o them Egiptia win. Har o Babilonarja, kai glan o foro Jerusalem pre tardo his, kowa shunan, tserdan le pen pale dran o foro Jerusalem.

Jeremia 42:14

An o them Egiptia kamah te djal, te dikas kek kurepen, un te shunas kek kurepaskri phurdepaskri, un te well men doha maro chapaske. Awa, kote kamah te atchell.”

Jeremia 42:2

un penan ap o Debleskro rakepaskro, o Jeremia: Muk maro mangepen glan tute te well, un mange tiro baro Deblestar kal tsele menshenge, kai pral atchan! Glan i tsiro hams bud, kanna atchan gar bud pral mendar, har tu nai tire jakentsa dikeh.

Jeremia 42:20

Tumer bitchran man pash tumaro baro Debleste, un penan: “Putch maro baro Deblestar menge, un pen menge halauter, hoi lo penell, te kras mer kowa.” Te shunenn tumer kanna gar ap leste, anenn tumer tumen an i bibacht.

Jeremia 43:7

Un jon djan an o them Egiptia. Un jaake shunan le gar ap kowa, hoi o baro Dewel lenge penas. Un jon wan an o foro Tachpanes.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Hosea 7:13

Bibacht ap lende! Jon djan mandar krik! Merepen pral lende! Jon peran mandar tele! Me kamoms len dran i bibacht te lell, un jon rakrenn chochepen pral mande.

Hosea 8:10

Ninna te denn le lowe kol rajende pral i wawar themma, kamau len me khetne te lell, te dap len i phagi. An i tikno tsiro hunte djan le dukentsa tel o pharepen, hoi tchiwell o baro rai dran o them Assur ap lende.

Hosea 8:9

Jon djan pral an o them Assur kutch koweha. I diwji burika atchell peske kokres. O Efrajim kamell malen peske te ginell.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

5. Mose 28:68

Un o baro Dewel anell tumen ap i shiffe pale an o them Egiptia, ap ko drom, kolestar me penom: “Kote hunte djan tumer gar pale!” Un kote kamenn tumer kolenge te budrell, kai dikenn tchilatches ap tumentsa. Lenge kamenn tumen te bikrell, te wenn lengre budepangre. Un kek kamell tumen te ginell.

Josua 9:14

Kote lan i pralstune pral i Israelitarja o chapastar kol wawarendar, hoi len o dromeske pashel his, un chan les. O baro Debles putchan le koleske gar.

Čačepangre 9:15

Kote penas o subjengro bur: Kamenn tumer tchatchepah, te wap me rai pral tumende? Palle awenn pash mande, un khatrenn tumen tel mande glan o kham! Un te krenn kowa gar, palle djal jag win dran o subjengro bur, un chatchrell i zedertikre ruka, hoi ap i berga Libanon tardo hi!