Jesaja 3:8 - O Debleskro Drom 2021 (Sinte)

⁸ O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

O Debleskro Lab 2024 (Sinte-Manouche)

⁸ O foro Yerusalem peras, oun o them Youda hi koy čiddo. Hoske? Yon doukran o baro Debles pengre labentsa, oun ninna koleha, hoy le kran. Kova, hoy o zorelo Devel lenge penas, kaman le gar te krell.

Jesaja 3:8 ပူးပေါင်းရင်းမြစ်များ

2. Familjakro liil 28:18

Ninna i Filistarja peran an i forja an o them Juda dren – an kol forja, kai hi an o bergetikro them un an o mulo them Negev. Un jon lan penge kal forja: Bet-Shemesh, Ajalon, Gederot un Socho un i tsele gaba koi trujel, un Timna un i tsele gaba koi trujel, un Gimso un i tsele gaba koi trujel, un jon djiwan kote.

2. Familjakro liil 33:11

Doleske mukas o baro Dewel i pralstunen pengre lurdentsa dran o them Assur pral lende te well; kolla tapran o Manasse i sasteha un pandan les shellentsa dran lolo saster, un anan les an o them Babilonia.

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Jesaja 49:19

Tchatchepah, i gaba un forja an tiro them wan paash dino un tele chatchedo. Un buder gar bud menshe djiwenn koi. Ko tsiro well, kai hi kau them gar bares doha kol bud menshenge, kai djiwenn kote. Un kolla, kai kaman tut pre te chal, atchenn dur krik tutar.

Jesaja 57:4

Tumer san pral mande, un krenn tumaro mui bares pre, un sikrenn mange i tchip. Tumer han phukepangre un chochene!

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 23:36

Ma penenn buder: ‘Man hi i lab o baro Deblestar, hoi phares ap mande tchiddo hi.’ Kowa, hoi hi phares tchiddo ap i mensheste, well i menshendar un gar o baro Deblestar. Ma krenn sawo koowa i labentsa o djido Deblestar! Job hi o rai pral o bolepen un i phub, un maro Dewel.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 44:3

Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Ezekiel 8:12

Un o baro Dewel penas ap mande: Tu mensho, dikal tu kawa, hoi krenn i phureder dran o kheer Israel tchorchanes – hakeno lendar glan peskri figura an lakri isema? Jon penenn penge: O baro Dewel dikell men gar, un djas peske dran kau them!

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

Hosea 5:5

Lengre pre-phurde djia sikrenn, har bud doosh ap lende hi. Dran lengri doosh perenn i Israelitarja an i bibacht. Ninna i menshe dran o them Juda perenn lentsa khetne.

Hosea 7:16

Jon rissrenn pash i debleste, koles kek soor hi. Jon hi har i bango bogo, koleha kek failo kote djal, kai te djal lo. Lengre pralstune hi bare mujengre. Doleske wenn le maredo o chareha. Palle san i Egiptarja pral lende.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Habakuk 1:13

Tire jaka hi jaake djudjo, te nai dikeh kek tchilatchepen. Tu nai dikeh gar har i menshe dukedo wenna. Hoske kreh tu tchi, te dikeh kol chochene phukepangren, un peneh kek lab, te chal o tchilatcho koles pre, kai hi latcheder un tchatcheder har job?

1. Korintarja 10:22

Ma choirenn o Debles! Mer ham gar sorleder har job.

Judas 1:15

Job well, te rakrell lo o tchatchepen win pral i tsele menshende, un te dell lo kolen i phagi, kai djan gar ap o Debleskro drom un kran gar, hoi job kamas, un tchingran ap leste tchilatche labentsa.