Jesaja 3:4 - O Debleskro Drom 2021 (Sinte)

⁴ Job penell: Me mukau terne murshen pral lende rai te well, kai lentsa krenn, hoi le kamenn.

O Debleskro Lab 2024 (Sinte-Manouche)

⁴ Yob penell: Me moukau terne morshen pral lende ray te vell, kay lentsa krenn, hoy le kamenn.

Jesaja 3:4 ပူးပေါင်းရင်းမြစ်များ

2. Familjakro liil 33:1

Har was o Manasse baro rai, his lo deesh-te-dui bersha phuro; un job his pantch-deesh-te-pantch bersha baro rai an o foro Jerusalem.

2. Familjakro liil 34:1

O Josia his ochta bersha, har was lo baro rai; un job his 31 (trijanda-te-jek) bersha baro rai an o foro Jerusalem.

2. Familjakro liil 36:11

Biish-te-jek (21) bersh his o Zedekja, har lo baro rai was; un deesh-te-jek (11) bersha his lo baro rai an o foro Jerusalem.

2. Familjakro liil 36:2

Biish-te-triin (23) bersh his o Joahas phuro, har lo baro rai was. Un job his triin tchonna baro rai an o foro Jerusalem.

2. Familjakro liil 36:5

Har was o Jojakim baro rai, his lo 25 (biish-te-pantch) bersh phuro. Un job his 11 (deesh-te-jek) bersh baro rai an o foro Jerusalem. Un job kras, hoi tchilatcho his glan i jaka o baro Deblestar, kai leskro Dewel his.

2. Familjakro liil 36:9

Deesh-te-ochta (18) bersh his o Jojachin, har lo baro rai was. Un job his baro rai triin tchonna un deesh diwessa, un djiwas an ko tsiro an o foro Jerusalem. Un job kras, hoi djungeles his glan o baro Debleskre jaka.

Sikepaskro 10:16

Djungeles djal i menshenge an i them, koleskro baro rai i tchawo hi, un kai i pralstune taissarlakro chapangre hi!

Jesaja 3:12

Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Jesaja 3:16

Un o baro Dewel penas: Dikenn, har pre-phurde jon hi, kol djuwja an o foro Jerusalem! Lengre sherja hidjrenn le pre, witsrenn pengre jakentsa trujel, te dikenn len hakeno. Jon khelenn pash o naashepen. Lengre pire hadenn le jaake, te bashrenn kol werklia, hoi le trul pengre pire tchiwan.

Jesaja 3:3

Ninna i pralstune lurden, i an-dikle menshen, i rakepangren, i gosewen, i durkepangren un kolen, kai i mulen putchenn, lell lo kolendar krik.

Jeremia 52:3

Kowa halauter kras o baro Debles jaake chojedo pral i menshende an o foro Jerusalem un an o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.