Jesaja 3:3 - O Debleskro Drom 2021 (Sinte)

³ Ninna i pralstune lurden, i an-dikle menshen, i rakepangren, i gosewen, i durkepangren un kolen, kai i mulen putchenn, lell lo kolendar krik.

O Debleskro Lab 2024 (Sinte-Manouche)

³ Ninna i pralstoune lourden, i an-dikle menshen, i rakepangren, i goseven, i dourkepangren oun kolen, kay i moulen poučenn, lell lo kolendar krik.

Jesaja 3:3 ပူးပေါင်းရင်းမြစ်များ

Hiob 22:8

O mursh, koles bud penepaske hi, las peske o them, un o an-diklo djiwell kote dren.

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 4:10

Un o Mose penas ap o baro Debleste: “Miro Rai, me haiwau gar mishto te rakrell, ninna kanna kai rakreh mantsa, hi mange phares te rakrap.”

Jesaja 3:2

Ninna i sorele murshen, i kurepangren, i tchatchepangre murshen, o Debleskre rakepangren, i durkepangren un i phureden lell lo lendar.

Jesaja 3:4

Job penell: Me mukau terne murshen pral lende rai te well, kai lentsa krenn, hoi le kamenn.

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

Čačepangre 8:18

Un job rakras ap o Sebach un o Zalmunna un putchas lendar: “Har dikan kol mursha win, kolen tumer ap i berga Tabor temerl dan?” Un jon penan: “Jaake har tu hal, jaake his jon ninna, hakeno lendar his har i rajeskro tchawo.”

1. Samuel 8:12

Hi sawe mank lende, kolendar krell lo pralstune pral peskre lurdende: pral jek sero (1.000) un ninna pral paash-sheel (50). Tumare mursh tchawe hunte budrenn ap leskro kotar phub un anenn leskro djob dren, hoi bares was. Ninna hunte krenn le leskre chare, un kol kotja, kai leskre wurdja dran kerdo wenna.