Jesaja 3:25 - O Debleskro Drom 2021 (Sinte)

²⁵ I murshen an o foro wenn mulo dino o chareha. Ninna i sorleder merenn an o kurepen.

O Debleskro Lab 2024 (Sinte-Manouche)

²⁵ I morshen an o foro venn moulo dino o rhareha. Ninna i zorleder merenn an o kourepen.

Jesaja 3:25 ပူးပေါင်းရင်းမြစ်များ

2. Familjakro liil 28:6

O Israelengro baro rai – leskro lab his Pekach, leskro dad his o Remalja – job peskre lurdentsa maras ap jek diwes 120.000 (sheel-te-biish-serja) kurepangre an o them Juda. Kowa his i phagi doleske, kai mukan jon o baro Debles, ko Dewel lengre phurendar.

2. Familjakro liil 29:9

Mare dada wan o chareha maredo, un i djuwja un tchawe un tcha wan pandles an i wawar themma anlo.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

Jesaja 65:12

Doleske penau me, tumer wenn mulo dino o chareha, un hunte djan ap i tchanga, te wenn maredo har vieche. Har dom me tumen gole, dan tumen gar glan. Har rakrom tumentsa, shunan gar, un kran, hoi djungeles hi an mire jaka, un rodan tumenge kowa win, hoi gar kamau.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 21:9

Koon an kau foro atchella, hunte merella an o kurepen, i bokatar, un ap i pharo nasslepen. Koon win djala un pash kol Kaldearja nashella, kai trul tumaro foro tardo hi, kowa atchell djido. Leske atchell tchi har peskro djipen.

Ropaskre gilja 2:21

Tchawe un phure hi tchiddo an i dromma. Terne tcha un terne mursha wan o chareha maredo. Ap ko diwes kai tiri choli pral mende was, hi tut kek dji lenge, un maral len halauteren.

Amos 9:10

I tsele tchilatche mire menshendar hunte merenn an o kurepen, lauter kolla, kai penenn: Koi bibacht atchell dur mendar un taprell men gar.