Jesaja 28:4 - O Debleskro Drom 2021 (Sinte)

⁴ Un ko railepen kol pralstunendar hi har i bluma, hoi merell tele, un hi buder gar koi. Lenge djal har i faige, kai wan glan lengro tsiro bares. Jaake sik har jek len dikell, hi le an leskro wast un job chal len pre.

O Debleskro Lab 2024 (Sinte-Manouche)

⁴ Oun ko raylepen kol pralstunendar hi har i blouma, hoy merell tele, oun hi bouder gar koy. Lenge djal har i fayge, kay van glan lengro tsiro bares. Yaake sik har yek len dikell, hi le an leskro vast oun yob rhal len pre.

Jesaja 28:4 ပူးပေါင်းရင်းမြစ်များ

Nahum 3:12

Tire sorele barrengre khera hi har faige ap i ruk. Well ko ruk trisslemen, perenn kol faige koleske an o mui, kai les trisslell. Jaake sik perell ninna tiro foro an i wasta kolendar, kai kurenn pen leha.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

Hosea 6:4

Hoi te krap tuha, Efrajim? Hoi te krap tuha, Juda? Tumer mukenn man jaake sik har i wolka, hoi taissarlakro krik djal, un har ko pani, hoi ap o senlepen hi.

Jesaja 28:1

Djungeles djal tuke, tu foro Samaria! Tu hal tchiddo ap i berga, hoi hi tardo pral o brawelo them. Un hal har i rajeskri stadi. I menshe dran o them Efrajim, kai i moljatar mate hi, sharenn pen tuha. Tiro shukapen hi har i blume, hoi merell tele.

Debleskro tsiro 6:13

Un i bolepangre momlia peran ap i phub, jaake har perenn i brola ap i phub tele, te phurdell i sorelo ducho an i broleskro ruk.

Hosea 13:15

Ninna te hi o Efrajim mank peskre phralende har i senelo ruk, hoi hidjrell latche rukengre, bitchrell o baro Dewel i tato ducho, hoi well kotar, kai o kham pre djal. Dran o mulo tato them well lo, un krell, te wenn i tsele panja truk. Un job lell leskro tselo brawlepen lestar krik, – ko tselo kutch koowa.

Hosea 13:1

His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.

Hosea 9:16

O Efrajim hi har i mulo ruk. Leskre draba, len hi kek pani. Un rukengre wenn gar bares ap leste. Te lenn i djuwja ninna tchawe, me marau len, kolen jon pengro djijestar kamenna.

Jesaja 8:4

Glan te nai dell o ternepen gole ‘tata’ un ‘mama’, mukell o baro rai pral Assur o tselo brawlepen dran Damaskus un o tselo kutch koowa dran Samaria krik hidjrell.”