Jesaja 27:7 - O Debleskro Drom 2021 (Sinte)

⁷ Das o baro Dewel i Israelitarjen jaake har lo kolen das, kai len dan? Maras job jaake bud lendar, har maras lo kolendar, kai len maran?

O Debleskro Lab 2024 (Sinte-Manouche)

⁷ Das o baro Devel i Israelitaryen yaake har lo kolen das, kay len dan? Maras yob yaake boud lendar, har maras lo kolendar, kay len maran?

Jesaja 27:7 ပူးပေါင်းရင်းမြစ်များ

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 10:17

Un ko Dewel, kai o Israeleskri momeli hi, well i jag, awa, lengro Dewel well i jagakri tchip, un chatchrell i subjengre burra un o subjengro senlepen pre ap jek diwes.

Jesaja 17:14

Ap i rati krenn le i menshen bari traash. Un glan o newo diwes wella, hi le gar buder koi. Jaake djal kolenge, kai kamenn men win te randell. un kamenn menge kowa te tchorell, hoi menge hi.

Jesaja 17:3

Trul i forja an Israel hi buder kek massurja. Un o foro Damaskus hi kek rajeskro foro buder. Kol Syrarja, kai atchenn djido, lenge djal jaake har i Israelenge. Lengro railepen atchell gar. Kowa penell o baro Dewel, ko rai pral o bolepen un i phub.

Jesaja 30:31

I Assirja lenn bari traash, te shunenn le o baro Debleskro rakepen, un dikenn, te dell lo len peskro kashteha.

Jesaja 31:8

I Assirja wenn dino o chareha. Kek charo, hoi i mensho hadell, marell len. Na-a, o Debleskro charo dell len mulo. Un jon nashenn penge glan ko charo, un lengre terne mursha wenn tapedo un wenn pandle budepangre.

Jesaja 31:9

Un lengre sorele kurepangre hi har mulo i trashatar, un lengre pralstune mukenn koi pre-tchiddi plachta, hoi lengro sikepen his. Kowa penell o baro Dewel, kai ap i berga Zion khere hi, kai leskri jag chatchell. Un leskro bob hi an o foro Jerusalem.

Jeremia 50:40

Jaake har das o Dewel i forja Sodom un Gomorra khetne, ninna kol forja trul lende, jaake djal ninna o themeske Babilonia: Ko them well jaake paash dino, kai nai djiwell buder kek mensho koi. Kowa penell o baro Dewel.

Jeremia 51:24

Kanna dikenn tumer, har plaissrau o foreske Babilon un i tsele menshenge, kai an o them Babilonia djiwenn, lengro tselo tchilatchepen pale pale, hoi jon ap i berga Zion kran. Kowa penell o baro Dewel.

Nahum 1:14

Ap i menshende an o them Assur penell o baro Dewel: Kek tchawe wenn tumen, kai tumare familjengre laba dureder hidjrenn. Dran i khera tumare deblendar witsrau i tsele figure win. Me krau tumenge i grufta, tumaro djipen his tchitcheske.

Nahum 3:19

Tchi hi, hoi tiro dukepen sasto nai krell! Ko dukepen, hoi tu lal, ap koleste hunte meress. Lauter kolla, kai tutar shunenn, denn i wasta pral o shero khetne. Kek hi koi, ap koleste gar pale te pale tchilatcho hals.