Jesaja 27:3 - O Debleskro Drom 2021 (Sinte)

³ Me, o baro Dewel, dau ap leste jak, un dau les pale te pale pani. Kek tsiro mukau les dran miro jak, jaake te nai krell les kek tchomone.

O Debleskro Lab 2024 (Sinte-Manouche)

³ Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 27:3 ပူးပေါင်းရင်းမြစ်များ

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

1. Mose 9:9

“Shunenn, me dau tumen miro lab un dau miro wast koi pre. Ko lab hi tumenge un tumare tchawenge, kai pal tumende wenna,

1. Rajengro liil 8:59

Mu wenn kal laba un hoi lestar mangom, maro baro Debleske an o shero, ap o diwes un an i rati, te dell lo men tchatchepen hako tsiro, man, kai leskro budepaskro hom, un ninna leskre tsele menshende Israel.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 46:5

Latcho djudjo pani nashella an o Debleskro foro, kai o Dewel pral halauter djiwell un leskro kheer hi, Ko pani krell ko fores bachtelo.

Jesaja 31:5

Har tchirkle pengre mussja pral pengre ternende rikrenn, jaake rikrell o baro Dewel peskre wasta pral o foro Jerusalem. Job, ko rai pral o bolepen un i phub, well ap leskri rig, un lell les win dran i bibacht, te well leske kek tchilatchepen, un kek wawar buder o rai pral leste hi.

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 46:4

Ninna te wan tumer phuro, atchau me kowa, kai homs; ninna te lan tumer parne balla, rikrau tumen. Me hom, kai krom tumen. Un me rikrau tumen, un hidjrau tumen, un lau tumen dran o tchilatchepen win.

Jesaja 46:9

Mukenn tumenge an o shero te djal, har an o phuro tsiro his: Me hom o Dewel, un dell kek wawar har man. Kek hi jaake har me!

Jesaja 49:8

Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jesaja 58:11

Un hako tsireske sikrell tut o baro Dewel tiro drom. Ninna te djiweh an o mulo tato them, dell lo tut doha djipaske, un dell tut newi soor. Palle hal tu har i baar, kolat hako tsiro doha pani hi, awa, har i pani, hoi dran i phub pre djal, un koleskro pani hako tsiro nashell.

Jesaja 60:16

Tu leh o brawlepen i menshendar dran wawar themma un kutch koowa lengre rajendar. Palle haiweh, te hom me, o baro Dewel, kowa, kai las tut win dran o pandepen, te hom me, o Israeleskro sorelo Dewel, kowa, kai tuke plaissras.

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Ezekiel 34:24

Un me, o baro Dewel, wau lengro Dewel. Un ko mursh, kai hi har miro budepaskro, o David, well o rai mank lende. Kawa penau me, o baro Dewel.

Ezekiel 37:14

Un me dau miro ducho an tumende, te djiwenn pale. Un me tchiwau tumen an tumaro them. Un tumer dikenn un haiwenn palle, te hom me o baro Dewel, un krau, hoi penom. Kowa penell o baro Dewel.

Ezekiel 37:28

Miro kheer atchell mashkral lende hako tsireske. Palle dikenn un haiwenn i menshe an i wawar themma, te rodom me o baro Dewel, i Israelitarjen mange win, te wenn le mire menshe.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.