Jesaja 27:11 - O Debleskro Drom 2021 (Sinte)

¹¹ Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

O Debleskro Lab 2024 (Sinte-Manouche)

¹¹ Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 27:11 ပူးပေါင်းရင်းမြစ်များ

Debleskri gili 106:40

Kote choiras pes o baro Dewel ap peskre menshende, un nai dikas len buder gar glan peskre jaka.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Jesaja 18:5

Ap ko tsiro, kai i drake bares wenn, glan kowa kai le dren lino wenn, tchinell o baro Dewel peskro tchurjeha i newe kashta tele. Ninna kolla, kai lengsto un sano hi, dell lo tele.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 43:7

Halauter te wenn khere, kai miro labeha kharedo wenn, kolen mange krom, te well miro lab baro, kolendar i natsjona krom, hoi miro hi.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 11:16

His i tsiro, kai penas o baro Dewel tumendar: Jon hi har i shukar senelo djeteskro ruk, kai bud djeteskre drake baro wenna. Kanna tchiwas job ap leste i jag, hoi bari goljah leskre patria chatchrell un leskre kashta phagell.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 16:5

O baro Dewel penas ap mande: Tu djas an kek kheer, kai rowenn le pral jekeste, kai meras. Tu rowess gar lentsa, witar gar peness lenge latche laba; me hom buder gar i maal kal menshendar, hom lenge buder gar latcho, un krau miro dji lenge pandlo. Kowa penell o baro Dewel.

Jeremia 25:37

Lengro them, hoi jaake shukar his, hi palle i mulo them. O baro Dewel an peskri choli kras les paash.

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Jeremia 8:7

O storcho tel o bolepen djinell peskro tsiro, un kol wawar tchirkle rikrenn o tsiro dren, kai wenn le pale.

Ezekiel 19:12

Koi was i chojedo wast, un tserdas les win dran i phub, un witsras les tele. Un i tato ducho, hoi was fun kotar, kai o kham pre djal, mukas leskre drake truk te well. Leskre sorele kashta wan tele phagedo, te meran le tele un wan an i jag chatchedo.

Ezekiel 9:10

Doleske dikau me kek kamlepah ap lende, un jon khaitenn man gar. Lengro tchilatchepen anau ap lengre sherja pale.

Hosea 4:14

Kek phagi dau tumare tchenge, witar gar tumare tchawengre romjenge koleske, hoi le kran. Na-a, tumenge murshenge dau i phagi. Tumer djan i lubjentsa ap i rig, un chan khetne lentsa o mass kol viechendar, hoi i chochene deblenge maredo wan. Un i menshe, kai dikenn kowa, un djinenn gar, hoi latcho un hoi gar latcho hi, jon perenn o tchatcho dromestar tele.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Mateo 13:15

O Dewel penas: Kalla menshe kamenn gar te haiwell, hoi shunenn le. Jon kamenn gar te shunenn, hoi me penau. Witar gar kamenn le te dikell, hoi tchatcho hi. Te kamans le kowa te dikell, shunans le. Un te shunans le, haiwans le, un wans pash mande. Un me nai kroms len sasto.

Mateo 13:19

Ko djob, hoi peras ap o drom, sikrell tumende jekes, kai shunas ko lab, te dell les o Dewel pash peste gole. Un job haiwas ko lab gar. Un o beng was, un las ko lab dran leskro dji win.

Mateo 3:10

Tumer han har ruka, kai wenna tele dino. I tower hi koi tchiddo, te well ko tselo ruk tele dino. Hako ruk, hoi hidjrella kek latcho koowa, well tele dino, un an i jag witsedo.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Remarja 1:31

Jon kamenn tchi te haiwell. Jon rikrenn gar pengro lab. Len hi kek kamlepen, witar kek dji i wawarenge.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.