Jesaja 26:7 - O Debleskro Drom 2021 (Sinte)

⁷ Tu kreh kolenge, kai o tchatchepen krenn, o drom, un leh krik, hoi lenge an o drom tchiddo hi.

O Debleskro Lab 2024 (Sinte-Manouche)

⁷ Tou kreh kolenge, kay o čačepen krenn, o drom, oun leh krik, hoy lenge an o drom čiddo hi.

Jesaja 26:7 ပူးပေါင်းရင်းမြစ်များ

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Hiob 31:6

Me mangau o Debles, te dikell lo palla an o tchatchepen: Lom me doosh ap mande oder gar? Palle dikell lo, te hom an o tchatchepen tardo.

Debleskri gili 1:6

O baro Dewel prindjrell o drom kolendar, kai an o tchatchepen tardo hi. Un o drom i tchilatchendar anell len an i bibacht.

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

Debleskri gili 11:7

O baro Dewel hi an o tchatchepen tardo, un kamell hakenes, kai o tchatchepen krella. Koon ap leste shunella peskro tselo djijeha, kowa dikell les peskre jakentsa.

Debleskri gili 25:4

Baro Dewel, sike man tiro drom, un hoi tu mandar kameh!

Debleskri gili 25:5

Sike mande, har te djiwap miro djipen an tiro tchatchepen! Tu hal miro Dewel, kai rikrell man! Hako diwes dikau ap tute.

Debleskri gili 27:11

Baro Dewel, sike man tiro drom! Un an man ap o tchatcho drom, te hunte rikrenn kolla pengro mui, kai mange tchilatchepen kamenna.

Debleskri gili 5:9

Baro Dewel, sike man o drom, hoi tchatcho hi glan tute! Kre mange o drom, hoi te djap! Muk kolen te dikell, kai mange tchilatchepen kamenna, kai hal tu ap miri rig!

Gosewe laba 11:5

Ko tchatcho koowa, hoi o Debleskre menshe krenna, krell lengre dromma tchatcho. Ko tchilatcho nashrell pes an peskro tchilatcho koowa.

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Gosewe laba 21:8

Kowa, kai doosh ap peste anas, djal bange dromma. Koles, kai i djudjo dji hi, krell o tchatchepen.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Jesaja 52:12

Kau kopo hunte nashenn gar sik kotar win, witar gar jaake har wans ap o naashepen. O baro Dewel djal tumenge glan win, un dell pal tumende jak, job, o Dewel pral o Israel.

Jesaja 57:2

Job djal kote, kai leske mishto djal. Kek darjah hi kolla an pengre tchibja tchiddo, kai pengro drom an o tchatchepen djan.

Jeremia 10:23

Baro Dewel, me djinau, kowa, hoi pral i mensheste wella, hi gar an ko mensheskro wast tchiddo. Kowa hi gar job, kai krell peskro djipah, hoi job kamella.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:7

Tchowale, mukenn tumen kekestar o Debleskro dromestar tele te anell! Tumer hunte djinenna, kolla, kai krenna, hoi tchatcho hi glan o Debleskre jaka, kolla hi an o tchatchepen tardo glan o Debleste jaake har o Jesus an o tchatchepen tardo hi glan o Debleste.