Jesaja 26:6 - O Debleskro Drom 2021 (Sinte)

⁶ Khetne stakedo well ko foro kolendar, kai tchorwelo un tikno hi.

O Debleskro Lab 2024 (Sinte-Manouche)

⁶ Khetne stakedo vell ko foro kolendar, kay čorvelo oun tikno hi.

Jesaja 26:6 ပူးပေါင်းရင်းမြစ်များ

2. Rajengro liil 9:33

“Witsrenn la tele”, penas job. Koi witsran le i Isebel tele. Un lakro rat peras ap i massuri un ap i grajende. Un job uleras pral late.

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 28:3

Peskre herjentsa stakrell lo ko pre-phurdo foro khetne, kai i mate dran Efrajim djiwenn.

Jesaja 29:19

Un o baro Dewel krell kolen pale bachtelo, kai wan tele rikedo. Un i tchorwele giwenn i bachtjatar pral o Israeleskro Debleste.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 37:25

An i wawarengro them pani hatsom, un kolestar pijom. Pash i Egiptarja kanna djau, un lengre panja mire pirentsa truk krau.”

Jesaja 60:14

Un i tchawe kolendar, kai rikran tut tele, wenn pash tute, un tchiwenn pen glan tute tele. Un kolla, kai praassan tut, witsrenn pen glan tire herja an i tchik. Un jon kharenn tut ‘foro o baro Deblestar’, un ‘Zion, o foro o Israeleskro Deblestar’.

Jeremia 50:45

Shunenn, hoi o baro Dewel peske glan las te krell lo ap o foro Babilon, un hoi kamell lo te krell i menshentsa an o them Babilonia. Tchatchepah, jon halauter wenn krik tradedo har bakre. Ninna lengre tikne tchawe wenn krik tserdedo. Hakeneske, kai dikell kowa, atchell o rakepen krik.

Daniel 7:27

Un kol tsele themma ap i phub wenn kol menshende o pralstuno Deblestar dino. Un jon wenn i raja pral lende, un len well i soor un penepaske pral lende. Un o pralstuno Dewel atchell o baro rai hako tsireske. Un kolla lauter, kai pralstune hi ap kai phub, hunte mangenn les an un hunte shunenn ap leste.”

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Louka 10:19

Shunenn: Me dom tumen i soor pral o bengeskri tseli soor. Tumer stakrenna ap i sapa un ap i skorpione. Un kek nai dukrell tumen.

Remarja 16:20

O Dewel, kai dell tumen peskri bacht an o dji, krell o bengeskri soor paash. Un ko tsiro well sik. O latchepen maro rajestar, o Jesus Kristestar, djal tumentsa!

1. Korintarja 1:26

Dikenn ap tumende, mire phrala: Mank tumende hi gar bud gosewe menshe, gar bud pralstune un gar bud, hoi mishto an-diklo hi.

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Josua 10:24

Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Debleskro tsiro 2:26

Kowa, kai soreles an o patsepen atchas, un gar pre das, un krell lauter, hoi me kamau, jaake rah har djiwell lo, koleste dau i soor, te well lo rai pral i menshende an i wawar themma.

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.